სამაგიდო თამაში, ვინოპოლია

ქართული ღვინის თემატიკით გამდიდრებული  ყველასათვის ნაცნობი და საყვარელი სამაგიდო ბიზნეს-თამაში “მონოპოლია".

ვინოპოლია სახალისო და საინტერესო თავგადასავალია ჩვენი ქვეყნის იმ მხარეებში, სადაც რვა ათასი წლის წინ ქართველებმა პირველად გავაშენეთ ვაზი და დავწურეთ ღვინო.

მეგობრებთან თუ ოჯახის წევრებთან ერთად, თქვენ სახლიდან გაუსვლელად მოივლით ქართლ-კახეთს, იმერეთს, ზღვისპირა რეგიონებსა და რაჭას, გაეცნობით ადგილობრივ ყურძნის ჯიშებს, დატკბებით საუცხოო ვიზუალური ილუსტრაციებითა და უნიკალური ქართული ჰანგებით.

დროა გაირკვეს, ვინ აღმოჩნდება თქვენს შორის ყველაზე გამჭრიახი, მიზანსწრაფული და იღბლიანი ბიზნესმენი-მეღვინე! წარმატებებს გისურვებთ და რაც მთავარია, ნუ დაივიწყებთ, რომ მეღვინეობას პატიოსნება უხდება, ხოლო ღვინოს - ზომიერება!

რა დევს ვინოპოლიის ყუთში:

- ფართოდ გაშლილი, შთამბეჭდავი სათამაშო დაფა; 70X70სმ

- 22 ხელით ნახატი, არტისტული ილუსტრაციები დაფის ყოველი უჯრედისთვის;

- ახალი ამბებისა და პირადი შეტყობინებების 40 დამაინტრიგებელი ბარათი;

- უამრავი თემატური სიურპრიზი თამაშში მთელი ეშხით ჩასართავად;

- ვინოპოლიის ფული - დახვეწილი და მოთხოვნადი “ვინი”;

- ვენახები და შატოები სახლებისა და სასტუმროების ნაცვლად;

- თამაშის სხვა კომპონენტები, გარდა მისი უდიდებულესობა ქართული ღვინისა.

ვინოპოლიის გუნდის მისიაა უფრო მეტ ხალხს გააცნოს და შეაყვაროს საოცარი ქართული ღვინო.