სუნამო თვითგამოხატვის ერთ-ერთ საშუალებად ითვლება, რადგან სუნმა შესაძლოა მიგანიშნოს ადამიანის შინაგან სამყაროსა და განწყობაზეც კი.
მცენარეებისაგან სურნელოვანი სითხის შექმნა საუკუნეების განმავლობაში ხელოვნების ერთ-ერთ დარგად ჩამოყალიბდა, რასაც საფუძველი ძველმა რომაელებმა, ეგვიპტელებმა და ბერძნებმა ჩაუყარეს. სიტყვა სუნამო ლათინური წარმოშობისაა, მოგვიანებით ფრანგებმა მას PERFUM უწოდეს.
ძალიან მნიშვნელოვანია, თუ როგორ შევარჩევთ სუნამოს, რადგან ამით გვაქვს საშუალება გამოვხატოთ თავი ან უბრალოდ ვისიამოვნოთ ჩვენთვის საყვარელი სურნელით. რა თქმა უნდა, ამ მხრივ ყველას არჩევანი ინდივიდუალურია, სწორედ ამიტომ VELI.store-ზე წარმოდგენილია სუნამოები და უამრავი სხვა სახის პარფიუმერია, ყველა გემოვნების ადამიანისთვის.
როგორ გამოვიყენოთ სუნამოები სწორად
სუნამოს შერჩევის შემდეგ, მნიშვნელოვანია ვიცოდეთ მისი სწორად გამოყენება, რათა მომაჯადოებელი სურნელი მთელი დღის განმავლობაში გაგვყვეს.
1. სუნამო შევისხუროთ ნოტიო და სუფთა კანზე
ნებისმიერი კონცენტრაციის არომატი მშრალ კანზე უფრო რთულად ნარჩუნდება. ამიტომ, სანამ სუნამოს გამოვიყენებთ, სუფთა წყლით მსუბუქად დავისველოთ ის ადგილები, სადაც მის შესხურებას ვაპირებთ.
ამასთან, თუ ძალიან მშრალი კანი გაქვს, უმჯობესია წინასწარ დატენიანება, წინააღმდეგ შემთხვევაში, სპირტმა, რომელსაც სუნამო შეიცავს, შეიძლება გამოიწვიოს კანის აქერცვლა და სიწითლე.
კარგი იდეაა სუნამოს გამოყენება შხაპისა და აბაზანის მიღების შემდეგ. საქმე იმაშია, რომ გახსნილ ფორებში სურნელი უფრო კარგად აღწევს, შესაბამისად, უფრო გამყოლიც იქნება. ჩვეულებრივ კი, როდესაც კანზე დიდი რაოდენობით მკვდარი უჯრედია, სუნამოს არომატი რამდენიმე საათში ქრება.
2. მივაქციოთ ყურადღება კონცენტრაციას
შალის სამოსზე არამდგრადი არომატიც კი საკმაოდ დიდხანს გაძლებს. ამიტომაა, რომ ზამთარში ყველაზე მსუბუქი სურნელიც დიდხანს მიგვყვება. რაც შეეხება წელიწადის თბილ სეზონს, როდესაც უფრო მსუბუქ სამოსს ატარებ, უმჯობესია გამოიყენო პარფიუმერული წყალი ან ტანის ლოსიონი.
3. არ შევიზილოთ სუნამო კანში
სუნამოს კანში შეზელა არღვევს „პარფიუმერულ პირამიდას“. ამ შემთხვევაში სურნელი არა თუ შეიცვლება, არამედ სწრაფად გაქრება. არომატი უნდა გაშრეს ბუნებრივი გზით, ამიტომ ის უნდა შეისხურო სასურველ ადგილას (უმჯობესია პულსაციის ზონებზე – ყურის უკანა მხარეს, მაჯისა და იდაყვის შიდა ნაწილზე, მუხლის უკანა მხარეს, ასევე, ყელსა და მკერდზე) და რაღაც დროის განმავლობაში არ შეეხო სხეულის ამ ნაწილს.
რა პირობებში შევინახოთ სუნამოები
უპირველესად, მნიშვნელოვანია, რომ სუნამოს ფლაკონი მზის პირდაპირი სხივებისგან და სინესტისგან (არ შეინახო სააბაზანოში) დავიცვათ. ნეიტრალური გარემო ამ პროდუქტისთვის იდეალურია, ამიტომ ნუ იჩქარებ მისი მუყაოს ყუთის გადაგდებას, რადგან სწორედ მასში იგრძნობს თავს ყველაზე კარგად. სუნამოს შენახვა კარადაში, უჯრაში ან ნებისმიერ მშრალ, გრილ ადგილასაა რეკომენდებული.
შეარჩიე სუნამოები VELI.store-ზე და ისარგებლე ყველაზე კომფორტული შეთავაზებებითა და განვადებით ნებისმიერ ნივთზე. არ აქვს მნიშვნელობა ქალისთვის ეძებ სუნამოს თუ მამაკაცის სუნამოებით ხარ დაინტერესებული, ჩვენთან ყველა სქესისა და ასაკის ადამიანისთვის იპოვი პროდუქტს.