Solgar ფოლის მჟავა 400, 100 ტაბლეტი

ფოლიუმის მჟავა წარმოადგენს წყალში ხსნად B ჯგუფის ვიტამინს (B9 ვიტამინი). მისი ნაკლებობა იწვევს უჯრედის დნმ-ის სინთეზის დარღვევას, რომელიც თავის მხრივ მონაწილეობს ქრომოსომის რეპლიკაციასა და დაყოფაში. ფოლიუმის მჟავა ორგანიზმში მეტაბოლიზდება ტეტრაჰიდროფოლის მჟავამდე. იგი კოფერმენტია, რომელიც აუცილებელია მეგალობლასტების ნორმალური მომწიფებისა და ნორმობლასტების წარმოქმნისათვის. ასტიმულირებს ერითროპოეზის პროცესს, მონაწილეობს ამინომჟავების (მეთიონინი და გლიცინი), ნუკლეინის მჟავების, პურინებისა და პირიმიდინების სინთეზში, ასევე ქოლინის და ჰისტიდინის მეტაბოლიზმში. ორსულობის დროს ფოლიუმის მჟავა იცავს ნაყოფს ტერატოგენული ფაქტორების ზემოქმედებისაგან. უზრუნველყოფს პლაცენტის ნორმალურ მომწიფებასა და ფუნქციონირებას.

დანიშვნის ჩვენება:

ანემია, გამოწვეული ფოლიუმის მჟავას დეფიციტით (ფოლიუმდეფიციტური ანემია) აკროციტული ჰიპერქრომული ანემია, წამლისმიერი ან მაიონიზირებელი რადიაციით გამოწვეული ანემია, ლეიკოპენია.

მეგალობლასტური, სიდერობლასტური და წვრილი ნაწლავის დაავადებებით გამოწვეული ანემიები: სპრუ, მალაბსორბციის სინდრომი.

ანემიის მკურნალობა და პროფილაქტიკა ორსულობის და ლაქტაციის პერიოდში.

ორსულობის პირველ ტრიმესტრში ნაყოფის ნერვული ღეროს დეფექტების განვითარების პროფილაქტიკა.

ფოლიუმის მჟავას ანტაგონისტებით (მეტოტრექსატი, კომბინაცია სულფამეტაქსაზოლი/ტრიმეტოპრიმი), კრუნჩხვის საწინააღმდეგო პრეპარატებით (ფენიტოინი, პრიმიდონი, ფენობარბიტალი) ხანგრძლივი მკურნალობა.

დეპრესია, შიზოფრენია, ათეროსკლეროზი, სარძევე ჯირკვლის და მსხვილი ნაწლავის სიმსივნე, ღრძილების დაავადება და ჰალითოზი, შაკიკი, ოსტეოპოროზი, პრეეკლამფსია.

ასევე გამოიყენება კომპლექსურ მკურნალობაში: თალასემია, წყლულოვანი კოლიტი, ვიტილიგო, ალცჰეიმერის დაავადება, ბიპოლარული აშლილობა, კრონის დაავადება, დიარეა, დაუნის სინდრომი, ეპილეფსია, ფილტვის კიბო, ფსორიაზი.

ფოლიუმის მჟავა 400 მკგ.

მიიღება 1 ან 2  ტაბლეტი  დღეში, სასურველია საკვების მიღების დროს.