სამაგიდო თამაში, One Night Ultimate Werewolf

One Night Ultimate Werewolf არის სწრაფი თამაში 3-10 მოთამაშისთვის, რომელშიც ყველა იღებს როლს: სახიფათო მაქციას, ნათელმხილველის, ფათერაკების მომტანის და სხვა პერსონაჟების როლებს, რომელთაგან თითოეული განსაკუთრებული შესაძლებლობით გამოირჩევა. თამაშში მხოლოდ ერთი დილის განმავლობაში მოგიწევთ გადაწყვიტოთ, რომელია სოფელში შემოპარული მაქცია და ლინჩის წესით გაასამართლოთ იგი. თამაშის საწყის ეტაპზე ყველა მოთამაშე „დაიძინებს“ (თვალებს დახუჭავს) და გარკვეული პერსონაჟები შეასრულებენ მოქმედებებს „ღამის“ ფაზაში. ამის შემდეგ ყველა მოთამაშე „გაიღვიძებს“ და იწყება დებატების ეტაპი, რომელშიც მოქალაქეები ცდილობენ, აღმოაჩინონ სოფელში შემოპარული მაქცია/მაქციები, ხოლო თავად მაქციები ნებისმიერი საშუალებით ცდილობენ, თავიდან აიცილონ ყოველგვარი ეჭვი და დააჯერონ ყველას, რომ ისინიც რიგითი მცხოვრებლები არიან. დისკუსიის ბოლოს მოთამაშეები ერთდროულად აძლევენ ხმას იმ მოთამაშეს, რომელიც ყველაზე საეჭვოდ მიაჩნიათ და გადაწყვეტილებას იღებენ, ვინ ვარდება თამაშიდან. თუ არჩეული მოთამაშე მაქციაა, სოფლის მცხოვრებლები ნანატრ გამარჯვებას მოიპოვებენ, ხოლო სოფლელის გაგდების შემთხვევაში გამარჯვება ბოროტ მაქციებს რჩება. One Night – როლური თამაშების სრულიად განსხვავებული და ახალი მიმართულებაა. თამაშში ძირითადი აქცენტი მოთამაშეების მსჯელობაზე, დისკუსიასა და არგუმენტირებულ დასაბუთებაზე კეთდება. სხვა როლური თამაშებისგან განსხვავებით, One Night-ში მხოლოდ ერთი ღამის ფაზაა, შესაბამისად, მოთამაშეებს თვალების დახუჭვა და ფარული მოქმედებების განხორციელება მხოლოდ ერთხელ უწევთ, დარჩენილი დრო კი მთლიანად ერთმანეთთან კომუნიკაციისა და მსჯელობისთვისაა გამოყოფილი. One Night Ultimate Werewolf One Night სერიის დამოუკიდებელი თამაშია, რომელიც შეგიძლიათ ითამაშოთ დამოუკიდებლად ან One Night-ის სხვა ვერსიებთან ერთად. სხვადასხვა ვერსიის შერევით შეძლებთ გაზარდოთ მოთამაშეთა რაოდენობა, დაამატოთ ახალი პერსონაჟები და თამაში უფრო საინტერესოდ და ჩახლართულად აქციოთ.