თამაშობანა, სამაგიდო თამაში, საგზაო ლოტო

თამაშობანა გვთავაზობს სამაგიდო თამაშ საგზაო ლოტო-ს. თამაში შედგება 30 ილუსტირებული ბარათისგან. ,,საგზაო ლოტო“ თეგეტა ჰოლდინგის კამპანია „საგზაო მოძრაობის კულტურის“ 30 ნიშანს აერთიანებს, რომელიც საზოგადოებაში მანკიერი ქცევის აღმოფხვრას და მის ცვლილებას ისახავს მიზნად. თამაშის წესები მარტივია: მოთამაშეები ბარათებს ინაწილებენ და მგზავრობის დროს, ქუჩაში არასწორი ქცევის აღმოჩენას ცდილობენ. გამარჯვებული ის არის, ვინც პირველი  შენიშნავს კუთვნილ ბარათებზე გამოსახულ სიტუაციას და ყველა ბარათს გადადებს. მეტი მოტივაციისა და სტიმულისთვის მონაწილეები სიმბოლურად ხდებიან საგზაო მოძრაობის წესრიგის ელჩები. ბავშვებს კი წამახალისებელი სტიკერები გადაეცემათ და ისინი „საგზაო მოძრაობის დამცველების“, „პასუხისმგებლიანი მოქალაქეების“ ან„საგზაო უსაფრთხოებაზე მზრუნველის“ როლებს ირგებენ. თამაშ-თამაშში გავლილი გზა კი საინტერესო, სასიამოვნო და ნაყოფიერი ხდება. 

თამაში შექმნილია “თეგეტა ჰოლდინგის” მხარდაჭერით.

თამაშობანას გუნდისთვის ბავშვები და საბავშვო თამაშები ცხოვრების ყველაზე დიდი ინტერესი და ბედნიერებაა, სწორედ ამის გამო 2015 წელს შეიქმნა კომპანია თამაშობანა. თავდაპირველად ყველა მათი თამაში ხელნაკეთი გახლდათ, თუმცა ჯიტა-ტექნო პარკის სტარტაპ კონკურსში გამარჯვების შემდეგ მათ შეძლეს მასიურად ეწარმოებინათ საკუთარი თამაშები და ყველასთვის ხელმისაწვდომი გაეხადათ ისინი. მალევე მათ ოჯახს ,, თამაშობანა ზეიმი " და თამაშობანას ,, კონცეფტუალური კაფე '' შეუერთდა.