ხშირად კარგი კერძის მოსამზადებლად სწორი ჭურჭლის შერჩევა მნიშვნელოვანი ფაქტორია. ტაფა ერთ-ერთი ყველაზე გამოყენებადი ჭურჭელია. თუკი სამზარეულოში სამზადისი დაწყებული გაქვს ან ძველი ტაფის შეცვლა გინდა, ხარისხიანი პროდუქტი დაგჭირდება, რომელიც დიდხანს მოგემსახურება და ვიზუალურადაც მოგეწონება. შესაძლოა ტაფები ერთი შეხედვით ერთმანეთს ჰგავს, თუმცა ფუნქციურად, ზომითა და მასალით განსხვავდება.
ტაფები VELI.Store-ზე:
გრილის - შექმნილია ისეთი კერძების მოსამზადებლად როგორებიცაა: სტეიკი, ქათამი, ბოსტნეული.
‘ვოკის’ - გამოიყენება მოსახარშად, მოთუშვისთვის ან სწრაფი შეწვის საჭიროების დროს.
ორმაგი ტაფა - ასეთი ჭურჭელი მულტიფუნქციურია და ორივე ზედაპირს იყენებს. უზრუნველყოფს საჭმლის სწრაფ და თანაბარ შეწვას. ზედაპირზე კერძის გადასატრიალებლად კი ხის კოვზი დაგჭირდება.
ბლინის ტაფები - გამოირჩევა ბრტყელი, არაწებოვანი ზედაპირით და სწრაფად ცხელდება.
კერძის ტაფა - კერძის ტაფებიდან უმეტესად გრანიტის ტაფები გამოიყენება, ან ალუმინისგან დამზადებული, გრანიტის შიდა საფარით. უჟანგავი ფოლადისგან დამზადებული ჭურჭელი კი დიდხანს ინარჩუნებს სითბოს და გამოიყენება ხანგრძლივი და ძლიერი წვისთვის.
კერძის ტაფა სხვადასხვა საჭმლის მომზადებისას გამოგადგებათ, სადაც შესაძლებელია კერძების შეწვაც და მოთუშვაც.
შეარჩიე სამზარეულოს შეუცვლელი ატრიბუტი მისი დანიშნულების, ბრენდების, ქურაზე გამოყენებისა და ფიზიკური მახასიათებლების მიხედვით. აქვე შენი საყვარელი კერძის მომზადებისთვის სხვადასხვა საჭირო აქსესუარი დაგხვდება, მათ შორის ნამცხვრის საცხობი ფორმა. სამზარეულოში დამხმარე ნივთებიდან კი - დანა-ჩანგლის სათავსო გამოგადგება.
ველიდან შეკვეთას 3 საათში, შენთვის სასურველ დროის მონაკვეთში მიიღებ!
რა უნდა ვიცოდე ტაფების შეძენამდე?
საუკეთესო ტაფა მაღალი ხარისხით გამოირჩევა, სწრაფად თბება და საკვები მასზე თანაბრად ნაწილდება. გარდა ამისა, მაღალი ტემპერატურის მიმართ რეზისტენტულობით ხასიათდება, მიმწვრობის საწინააღმდეგო ფუნქციით, გამძლე ზედაპირითა და გამოყენების შემდეგ ადვილად სუფთავდება.
სანამ ტაფას შეიძენ პირველად უნდა დაადგინო, როგორი ტიპის ქურისთვის იქნება შესაფერისი. ბევრი მწარმოებელი პროდუქტის ძირში სიმბოლოებს ათავსებს სითბოს წყაროსთან თავსებადობის მიხედვით. არსებობს კერამიკის, გაზის, ინდუქციური და ჰალოგენური ქურები.
Veli.store-ზე ტაფის შერჩევა ამ ფაქტორითაც გაგიმარტივდება. აქ მითითებულია თითოეულის პროდუქტი როგორი ტიპის ქურასთან უნდა გამოიყენო.
კიდევ ერთი ძალიან მნიშვნელოვანი ნაწილი მასალაა. მასალა ჭურჭლის გამოყენების ხანგრძლივობასაც განაპირობებს.
იპოვე ველიზე სხვადასხვა მასალისგან დამზადებული ტაფები, როგორებიცაა:
გრანიტის
ჯანსაღი და არატოქსიკური მატერიაა (თუ ტაფის ფაიფურის საფარი არ არის დაზიანებული). არის მსუბუქი, გამძლე და ადვილად გასაწმენდი. გრანიტის ჭურჭელი იდეალურია დაბალ და საშუალო ტემპერატურაზე გასათბობად.
უჟანგავი ფოლადის
ასეთი ჭურჭელი ერთ-ერთი ყველაზე პოპულარულია და შექმნილია ყოველდღიური გამოყენებისთვის. ფოლადის ტაფები თანაბრად ათბობენ საკვებს და ამუშავებენ ყველა სახის კერძებს. უჟანგავი ფოლადის ტაფები ასევე ძალიან გამძლეა.
ალუმინის
ბევრ ალუმინის ტაფას მინანქრის ზედაპირი და არაწებოვანი საფარი აქვს. ის ადვილად იწმინდება და სწრაფად ცხელდება. თუმცა, ალუმინი რეაქციაში ადვილად შედის და მჟავე საკვების მოსამზადებლად არ არის რეკომენდებული.
ტაფები შიდა საფარის მიხედვითაც განსხვავდება. ტაფის შიდა საფარზე არაწებოვანი ფენების რაოდენობა მნიშვნელოვანია. რაც უფრო მეტი ფენაა, მით უფრო დიდხანს გამოიყენებ მას. ხშირად ამ პარამეტრს პროდუქტის აღწერაში შეხვდები. ყველაზე პოპულარულია ტეფლონის, გრანიტისა და მარმარილოს საფარი.
არანაკლებ მნიშვნელოვანია ტაფის კომფორტული და მარტივად გამოსაყენებელი სახელური. ხშირად ტაფები ბაკელიტის სახელურებითაა აღჭურვილი. ასეთი ტიპის სახელურებს ერგონომიური დიზაინით, Veli-ს ‘’სამზარეულოს’’ კატეგორიაში მიაგნებ.
საუკეთესო ტაფა ინვესტიციას ნამდვილად იმსახურებს. იგი ახალი და საინტერესო კერძების მომზადებაში გამოგადგება. ასე მეგობრებსა და ოჯახის წევრებზე დიდ შთაბეჭდილებასაც მოახდენ და სახლში საჭმლის მომზადებაც ბევრად უფრო სახალისო გახდება
