მეღვინეობა პი, საფერავი, წითელი მშრალი ღვინო, 2022 წ.

საფერავი პი - 2022 წლის მოსავალი, წითელი მშრალი ღვინო დამზადებულია თელავის რაიონ სოფელ აკურაში მდებარე 20 წლის ვენახის საფერავის ყურძნისგან, რომელსაც მწვანე რთველის ოპერაცია მაღალი ხარისხის მისაღებად ჩაუტარდა (გულისხმობს: შეთვალების პერიოდში დაუმწიფებელი მტევნების შეცლას, დარჩენილის უკეთ დასამწიფებლად). დამზადებულია ბუნებრივ საფუარზე (სპონტანური) ფერმენტაციით, კლასიკური მეთოდით, გაუფილტრავი, ვეგანური, არ არის დამუშავებული. 2022 წლის მოსავლის ღვინო მუქი ლალისფერი შეფერილობისაა, არომატზე გამოხატული მწიფე შავი კენკრის არომატებით, გემოზე ჰარმონიული, შავი პილპილისა და შოკოლადის პიკანტური და ხანგძლივი დაბოლოებით და სავსე, დაბალასებული სხეულით.

“მეღვინეობა პი” მცირე წარმოების მარანია (წლიურად 7000 ბოთლამდე), რომელიც ამ ფორმულირებით 2020 წელს დაარსდა, თუმცა წინაპრეპიდან მოყოლებული ოჯახი ათწლეულების განმავლობაში ამზადებდა ღვინოს. სახელი დაკავშირებულია პი რიცხვთან 3.14, ღვინო 8000 წლიანი არსებობის ისტორიით ანუ „ღვინო როგორც მუდმივა“. ჩვენი ღვინოების დამზადების ტექნოლოგია, მრავალწლიან გამოცდილებაზე დაყრდნობით ვინიფიკაციის მხოლოდ ფიზიკური, ბუნებრივი პროცესებით მართვას გულისხმობს და ღვინოს ჰარმონიული და დაბალანსებული გემოვნებით გამოარჩევს. მთავარი კი ვენახებია, რომელსაც სოფელ აკურაში და შილდაში ვფლობთ. მეღვინეობა პის მიზანია მაღალხარისხიანი ხელნაკეთი ტერუარული ღვინოების წარმოება, რომელიც ყოველწლიურად აჩვენებს ინდივიდუალიზმს, გამოსახვს ადგილს, სტილს და ორიენტირებულია განვითარებაზე. ღვინოები უკვე არაერთ საერთაშორისო კონკურსზე დაჯილდოვდა ოქროს და ვერცხლის მედლებით და მოხვდა პრესტიჟულ გამოცემებში როგორიცაა: The Guardien, Harpers Wine & Spirit, the Scotsman, the Standard UK, Vinum Magazine, WeinMarkt. ღვინოების ძირითადი ნაწილი კი ექსპორტზე ბრიტანეთში, შვეიცარიაში, ბელგიაში და გერმანიაში გადის.