Dugladze Tbilisi, ბრენდი, X.O, 700 მლ.

"თბილისი" ქართულ კლასიკურ ბრენდებს შორის ნამდვილი არისტოკრატია. იგი 1958 წელს შეიქმნა თბილისის დაარსების 1500 წლის იუბილესთვის. თბილისის შესაქმნელად უმაღლესი ხარისხის საბრენდე სპირტები გამოიყენება, რომლებიც ყვარლისა და გურჯაანის მიკროზონაში მოყვანილი ჯიშის ყურძნისგან მზადდება. 17 წლიანი დავარგების ეს ბრენდი, ფრანგული და ქართული ტრადიციების მატარებელი, ყველაზე გამორჩეული ნიმუშია.

„დუგლაძეების ღვინის კომპანიის“ საწარმოს შექმნაში დიდი წვლილი დიმიტრი დუგლაძეს მიუძღვის, რომელიც გამოირჩეოდა სამეწარმეო სულისკვეთებით, პროფესიონალიზმით, საქმისადმი დიდი სიყვარულით და ერთგულებით. მან დიდი როლი ითამაშა ქართული მეღვინეობის და ალკოჰოლური სასმელების წარმოების განვითარებაში, მთელი მისი მოღვაწეობის განმავლობაში მისი უცვლელი მიზანი იყო მაღალი ხარისხის პროდუქციის მიწოდება მომხმარებლისათვის როგორც საქართველოში ასევე ქვეყნის გარეთ. 1984 წ - საწარმოს ისტორიის დასაწყისი, როდესაც საქართველოში ერთერთი ყველაზე დიდი ალკოჰოლური სასმელების საწარმო გაიხსნა. 2004 წ - დიმიტრი დუგლაძის შვილები აფუძნებენ დუგლაძეების ღვინის კომპანიას. მათ აღჭურვეს საწარმო თანამედროვე იტალიური და გერმანული დანადგარებით Della Toffola, Krones, Cavagninno&Gatti, Seitz Enzinger Noll. იმავე წელს ჩამოისხა პირველი ალკოჰოლური სასმელები „დუგლაძის“ ბრენდით და განხორციელდა მათი ექსპორტი. 2013 წ - დულაძეების ღვინის კომპანიამ შეისყიდა ვარციხის ქარხანა, საბრენდე სპირტების დამზადების ისტორიულად ერთ-ერთი ყველაზე სახელოვანი კერა, რომელიც ანანოვების სახელს უკავშირდებოდა. ქარხანა 1908 წელს გაიხსნა და სწორედ აქ შეიქმნა ისეთი პროდუქტები, როგორიცაა ბრენდი ვარციხე, სალხინო, კოლხეთი და სხვა. 2015 წ - კომპანიაში რებრენდინგის დროა. ჩამოყალიბდა კომპანიის ვიზუალური იდენტობა. განისაზღვრა საფირმო სტილი და პროდუქტების სრული ასორტიმენტის შეფუთვის სტილისტიკა. 2018 წ - დუგლაძეების ღვინის კომპანიამ გამოუშვა ახალი, პრემიალური ხაზის ღვინოები.