Amvilab პანკრეატინი, 30 კაფსულა

პანკრეატინის შემადგენლობაში შემავალი ფერმენტები ამილაზა, ლიპაზა, პროტეაზა აუმჯობესებს ნახშირწყლების, ცხიმების, ცილების მონელების პროცესს და ხელს უწყობს მათ სრულ შეწოვას წვრილ ნაწლავში.

კუჭქვეშა ჯირკვლის დაავადებების დროს პანკრეატინი აკომპენსირებს  კუჭქვეშა ჯირკვლის შიდასეკრეტორული ფუნქციის უკმარისობას.

ლიპაზა ახდენს ცხიმების ჰიდროლიზს ცხიმოვან მჟავებსა და გლიცეროლამდე, ამგვარად, უზრუნველყოფს მათ შეწოვას და ცხიმში ხსნადი ვიტამინების შეწოვას.

ამილაზა ახდენს ნახშირწყლების ჰიდროლიზს შაქრებსა და დექსტრინამდე, პროტეაზა ხელს უწყობს ცილების მონელებას, შედეგად პანკრეატინი აუმჯობესებს საჭმლის მონელების პროცესს, ხელს უშლის მეტეორიზმის  განვითარებას, ახდენს პერისტალტიკის ნორმალიზებას, ამცირებს დისკომფორტს მუცლის არეში (სიმძიმის შეგრძნება კუჭში, გულისრევა, ბოყინი).

დანიშვნის ჩვენებაა:

საჭმლის მომნელებელი სისტემის მწვავე და ქრონიკული ანთებით-დისტროფიული დაავადებები (გასტრიტი, კოლიტი, ენტეროკოლიტი, გაღიზიანებული ნაწლავის სინდრომი, ქოლეცისტიტი, დისბაქტერიოზი)

დისპეფსიით განპირობებული სიმპტომები (გულისრევა, ღებინება, ბოყინი, მეტეორიზმი, დიარეა, ყაბზობა)

კუჭქვეშა ჯირკვლის სეკრეტორული ფუნქციის უკმარისობა (ქრონიკული პანკრეატიტი, მუკოვისციდოზი, კუჭქვეშა ჯირკვლის სიმსივნე).

კუჭისა და ნაწლავის რეზექციის შემდგომი მდგომარეობა, რომელსაც თან ახლავს საჭმლის მონელების დარღვევა.

არასწორი კვება, ცხიმიანი, ძნელად მოსანელებელი საკვების მიღება.

პანკრეატინი - 650 მგ.

ფერმენტული აქტივობით:

ამილაზა - 65000 USP 

პროტეაზა - 65000 USP

ლიპაზა - 5200 USP

მიიღება 1 ან 2  კაფსულა  3 - ჯერ დღეში კვების დროს.