ათასსახოვანი გმირი

„ათასსახოვანი გმირი“ ჯოზეფ კემპბელის მიერ დაწერილი კლასიკური ნაშრომია, რომელიც იკვლევს ადამიანის მითების და ეპოსების საერთო სტრუქტურას. წიგნი ხაზს უსვამს, რომ მსოფლიოს სხვადასხვა კულტურებში გავრცელებული გმირების ისტორიები ერთიანდება საერთო ნარატივში, რომელსაც ავტორი „გმირის მოგზაურობას“ (Hero's Journey) უწოდებს. კემპბელი გვიჩვენებს, როგორ გადის გმირი გამოწვევების, გამოცდების და ტრანსფორმაციის გზას, რომ მოიპოვოს სიბრძნე და გაათავისუფლოს ხალხი. ეს ნაშრომი მნიშვნელოვან გავლენას ახდენს არა მხოლოდ მითოლოგიის კვლევაზე, არამედ თანამედროვე ნარატივების ფორმირებაზეც.

ამერიკელი მწერალი და პედაგოგი (ცნობილია თავისი გამოკვლევებით _ შედარებითი მითოლოგიის მიმართულებით), ჯოზეფ კემპბელი, 1904 წელს, ნიუ-იორკში დაიბადა. იგი ბავშვობიდან დიდ ინტერესს იჩენდა მითოლოგიის მიმართ და აქტიურად კითხულობდა წიგნებს ინდიელთა კულტურის შესახებ. კემპბელი ხშირად დადიოდა მუზეუმებში, სადაც უძველეს არტეფაქტებს გულისყურით ათვალიერებდა. მისმა ამგვარმა მრავალფეროვანმა ინტერესებმა მწერალს კოლუმბიის უნივერსიტეტში, შუა საუკუნეების ლიტერატურის შესწავლისკენ უბიძგა. მაგისტრატურის დასრულების შემდეგ იგი პარიზსა და მიუნხენში გაემგზავრა, სადაც ადგილობრივ უნივერსიტეტებში განაგრძო კვლევითი საქმიანობა.