ბაბალე, წინდა, "ბროწეულის ხე"

„ბაბალეს წინდა“ შექმნილია ქართველი მხატვრების, საქართველოს ეროვნული მემკვიდრეობისა და დაუნის სინდრომის მქონე ადამიანების ნახატების ინსპირაციის საფუძველზე. ქართველი მხატვრების და დაუნის სინდრომის მქონე ახალგაზრდების ერთობლივი ნახატების ესკიზებით 'ბაბალემ' 2024 წლის დაუნის სინდრომის მსოფლიო დღისათვის ახალი ქსოვილის დიზაინები შექმნა. "ბროწეულის ხე" 2024 წლის დაუნის სინდრომის მსოფლიო დღის კამპანიის წინდაა, რომელიც მხატვარ ზურა გომელაურის და დაუნის სინდრომის მქონე ახალგაზრდის, ალექსანდრე კუპატაძის ერთობლივი ნახატის დეტალებისგან შეიქმნა. კამკამა ცისფერ ფონზე გამონათებული ბროწეულის ხე საგაზაფხულო განწყობას უქმნის ყველა მნახველს.

სოციალური საწარმო “ბაბალე” 2014 წელს შეიქმნა "საქართველოს დაუნის სინდრომის ასოციაციის" მიერ. მისი დამფუძნებლები და წევრები შეზღუდული შესაძლებლობის მქონე ბავშვებისა და მოზარდების მშობლები არიან. შემოქმედებითმა სივრცემ გააერთიანა სამხატვრო სახელოსნო - სასწავლო და სამუშაო პროცესისთვის და მაღაზია-სალონი, სადაც მომხმარებელს "ბაბალეში" შექმნილი პროდუქციის შეძენა შეუძლია. შემოქმედებითი იდეების ავტორები განსაკუთრებული საჭიროების მქონე ადამიანები არიან, რომლებიც აქტიურად ერთვებიან “ბაბალეს” ყოველდღიურ საქმიანობაში. “ბაბალეს” მისიაა დაუნის სინდრომის მქონე პირთა დამოუკიდებელი ცხოვრების ხელშეწყობა პროფესიული გადამზადების, დასაქმებისა და მათი ოჯახების გაძლიერების გზით. “ბაბალე” კრეატიული დიზაინით დამზადებული ხის, ტექსტილისა და კერამიკის პრაქტიკული და დეკორატიული ნივთების ფართო არჩევანს სთავაზობს მომხმარებელს. ჩამონათვალშია: წინდები, სამზარეულოს აქსესუარები, ინტერიერის დეკორატიული და პრაქტიკული ნივთები, სადღესასწაულო ნივთები და აქსესუარები. კორპორატიულ მომხმარებლებს სოციალური საწარმო სთავაზობს მათ მოთხოვნაზე მორგებულ პროდუქციას - ბრენდირებულ ჩანთებს, საოფისე ნივთებსა და სხვადასხვა სასაჩუქრე ნაკრებს.