სამზარეულოს კომბაინი არის მრავალფუნქციური ხელსაწყო, რომლის საშუალებითაც შეძლებ გაიმარტივო საჭმლის მომზადების ძირითადი ეტაპი. ეს მაღალტექნოლოგიური აპარატი საგრძნობლად აიოლებს პროდუქტის მომზადებას, რადგან იგი გეხმარება დროისა და ენერგიის მაქსიმალურად დაზოგვაში.
როგორ შევარჩიოთ სამზარეულოს კომბაინი
იმისათვის, რომ საუკეთესო მოწყობილების შერჩევა შევძლოთ, უპირველესად, მნიშვნელოვანია გადავწყვიტოთ რომელ მახასიათებელს მივანიჭებთ უპირატესობას, ეს იქნება : სისწრაფე, მრავალფუნქციურობა, თუ დიდი პორციების მომზადების შესაძლებლობა.
თანამედროვე სამზარეულოს კომბაინი ითავსებს მთელი რიგი წვრილი საოჯახო ტექნიკის ფუნქციებს, როგორიცაა: წვენსაწური, ჩოფერი, ხორცსაკეპი, ყავის საფქვავი, ყინულის სამტვრევი, ბლენდერი და სხვ. რაც უფრო დიდი მოცულობა აქვს კომბაინს, შესაბამისად, მით მეტი შესაძლებლობაც, მიიყვანოს პროდუქტი სასურველ კონსისტენციამდე.
VELI.store-ზე სამზარეულოს კომბაინების მრავალფეროვან არჩევანს შეხვდები. ბრენდებს, როგორებიცაა : Philips , Bosch , Gorenje , Ninja და სხვა, თამამად შეუძლიათ მაღალი ხარისხისა და სანდოობის გარანტიის მოცემა. აქვე უნდა აღინიშნოს, რომ ყველა სამზარეულოს კომბაინი ველიზე საკუთარი მონაცემებითაა წარმოდგენილი, რაც ბევრად გაგიმარტივებს შენთვის იდეალური პროდუქტის ამორჩევას.
სამზარეულოს კომბაინის ძირითადი მახასიათებლები
ყველა სამზარეულოს კომბაინი სამი მთავარი ნაწილისგან შედგება, ესენია : ძრავი, ჯამი და საცმების კომპლექტი. ჯამის მოცულობა, ძრავის ფუნქციების რაოდენობა და საცმების რაოდენობა განსაზღვრავს კონკრეტული კომბაინის შესაძლებლობებს და შესაბამისად მის ფასსაც.
ჯამის მოცულობა - თუ შენი სამზარეულო შედარებით მცირე ზომის საკვებ პორციებზეა გათვლილი და პროდუქტს დიდი რაოდენობით არასდროს ამზადებ, მაშინ ლოგიკურია, რომ სამზარეულოს კომბაინს შედარებით პატარა ჯამით შეარჩევ. ეს გაცილებით კომფორტული და მომგებიანი გადაწყვეტილება იქნება.
ჯამის საშუალო მოცულობად - 1,5-4 ლიტრი ითვლება. შედარებით პატარა კომბაინებს 200 მლ ჯამი აქვთ, ხოლო მძლავრი კომბაინების ჯამის მოცულობა 5 ლიტრამდეც აღწევს.
სიმძლავრე - სამზარეულოს კომბაინების სიმძლავრე 220 ვატიდან 2000 ვატამდე მერყეობს. ეს მახასიათებელი, მოცულობასთან ერთად განსაზღვრავს მოწყობილობის ხარისხსა და ეფექტურობას.
მაგალითად, თუკი გადავწყვეტთ 1,5 ლიტრიანი ჯამის შერჩევას, მისი სიმძლავრე მინიმუმ 300 ვატი უნდა იყოს, 2 ლიტრიანის შემთხვევაში - 400, ხოლო 3 ლიტრის ტევადობის ჯამისთვის 700 ვატზე მაღალი სიმძლავრეა გათვლილი.
სიმძლავრეს ასევე განსაზღვრავს ისეთი პარამეტრი, როგორიცაა სიჩქარის რეგულირების შესაძლებლობა და მუშაობის რეჟიმების რაოდენობა. ჩვეულებრივ, დაბალი სიჩქარე უზრუნველყოფს პროდუქტების ერთმანეთში შერევას, ხოლო უფრო მაღალი სიჩქარე პროდუქტების დაქუცმაცებაზეა პასუხისმგებელი.
მნიშვნელოვანია, რომ სამზარეულოს კომბაინი მინიმუმ 2 ან 3 სიჩქარით მაინც ხასიათდებოდეს.
საცმები - სამზარეულოს კომბაინი საცმების მრავალფეროვნებით ნამდვილად გამორჩევა. სწორედ ეს ფაქტორი განსაზღვრავს მის მრავალფუნქციურობას.
ყველაზე ხშირად სამზარეულოდ კომბაინებში ვხვდებით შემდეგ საცმებს : უჟანგავი მეტალის პროდუქტის დასაჭრელი და დასაკეპი დანა , დისკოს ფორმის უნივერსალური დანა, სახეხი დისკი, ორმხრივი საჭრელი დისკი, ემულგატორი, კარტოფილი ფრის საცმი, პრესი, ბლენდერი, ხორცსაკეპი, ცომის მოსარევი საცმი და კიდევ უამრავი სხვა, რომლებიც პროდუქტების დასაჭრელად, მოსაზელად, გასაწურად, დასაკეპად, მოსარევად გამოიყენება.
რაც შეეხება ამ ხელსაწყოს მასას, ძირითადად იგი 1,5 კგ - იდან 15 კგ - მდე მერყეობს.
თუ გსურს შეიძინო უმაღლესი ხარისხის სამზარეულოს ტექნიკა, ეს იქნება მიქსერები, სამზარეულოს კომბაინები თუ ხორცის გასატარებელი მანქანა, ნებისმიერი მათგანის პოვნას VELI.store-ზე შეძლებ, ამავდროულად კი ისარგებლებ უფასო მიტანის სერვისით საქართველოს ნებისმიერ მისამართზე.
