ნატახტარი Gold, ლაგერი, გაფილტრული ლუდი, 500 მლ.

„ნატახტარი“ - 100% ლუდი. „ნატახტარი“ უმაღლესი ხარისხის ნატურალური ალაოს, სვიასა და ნატახტარის უნიკალური წყლისგან დამზადებული ნამდვილი ქართული ლუდია. მის მისაღებად უახლესი ტექნოლოგია გამოიყენება. ხარშვის პროცესს მაღალკვალიფიციური სპეციალისტები ხელმძღვანელობენ.

სააქციო საზოგადოება „ლომისი“ ჩამოყალიბდა 1991 წელს და მდინარე ქსნის პირას, ახალგორში, ლუდის პატარა ქარხნის მშენებლობა დაიწყო. ქარხანამ უმოკლეს ვადაში შეძლო პირველი პროდუქციის გამოშვება. 2005 წელს, სააქციო საზოგადოებამ თიბისი ბანკისა და EBRD-ის უპრეცედენტო ინვესტიციების მოზიდვის შედეგად ააშენა და აამუშავა თანამედროვე ტექნოლოგიებით აღჭურვილი ლუდსახარში ნატახტარი. სოფლის დედაქალაქთან სიახლოვე და ნატახტრის წყლის უნიკალური თვისებები შესანიშნავ პირობებს ქმნიდა წარმატებული საწარმოს შესაქმნელად. კომპანიამ მართლაც უმოკლეს ვადაში მოახერხა ლიდერის სახელის მოპოვება. 2008 წელს ლუდსახარშის საქმიანობით დაინტერესდა, "ეფესის ლუდსახარშების საერთაშორისო ჯგუფი" (Efes Breweries International - EBI), მან ლუდსახარშის 100%-იანი წილი შეიძინა. EBI მსოფლიოში ლუდის მწარმოებელი ერთ-ერთი უმსხვილესი კომპანიაა, აქიდან გამომდინარე, მენეჯმენტი დიდ ყურადღებას აქცევს საერთაშორისო სტანდარტების დანერგვას და ხარისხის მართვას. კომპანია „ნატახტარი“ (სს „ლომისი“) აწარმოებს ლუდსა და ლიმონათს. იგი ქართული ლუდის და ლიმონათის ბაზრის ლიდერია. კომპანია საექსპორტო ბაზრებზე წარმოდგენილია 2006 წლიდან. ამჟამად, ლუდისა და ლიმონათის ექსპორტი ხდება 23 ქვეყანაში. კომპანია მომხმარებელს სთავაზობს ლუდის 14 ბრენდს და 2 ქვებრენდს, პირველ ლუდის მიქსს საქართველოში და ლიმონათის 8 არომატს.