იგრიკა, შარფი "მარტვილის ფრინველები", 180 x 70 სმ

შარფი შექმნილია მარტვილის მონასტრის კედლის მხატვრობის შთაგონებით.

ტაძარი VI-VII საუკუნეებში დაარსდა და ოდესღაც წარმართთა საკულტო ადგილი ყოფილა, სადაც დიდ მუხას – ჭყონდიდს – სცემდნენ თაყვანს.

დროთა განმავლობაში, მონასტერი უნიკალური საერო და საღვთო ტექსტების შექმნისა და გავრცელების ცენტრად იქცა. ღვთისმშობლის მიძინების ტაძრის XIV, XVI და XVII საუკუნეების ფრესკები ჩვენი შარფის დიზაინისთვის შთაგონება გახდა.

მსუბუქი და კომფორტული ბამბის ტექსტურა შარფს ყველა სეზონისთვის იდეალურ აქსესუარად აქცევს, ხოლო მისი ორნამენტები ელეგანტურობასთან ერთად კულტურულ მემკვიდრეობასაც ასახავენ.

შარფი დაბეჭდილია ხელნაკეთი საბეჭდავებით მხოლოდ ერთი მხრიდან.

ამბები, რომლებიც ხატობაზე თუ ძილისპირულ ზღაპრებში ისმინება, ქვაქარგულობაში თუ ბუკინისტურ დახლებზე მივიწყებულ წიგნებში იკითხება, ყველაზე გულწრფელად გვიყვება ჩვენზე, როგორც ერზე. ამიტომაც გავხდით გულითმაძიებლები და წარმოიდგინეთ , რომ ჩვენც შენთან ერთად მივყვებით გზას ამ მისტიურ სამყაროში. ჩვენს აღმოჩენებს კი მთელი გულით გიზიარებთ, რადგან გვგონია, რომ თუ მათ ერთხელ შენც მოისმენ ჩვენსავით საგანძურის მცველი გახდები, გულით ატარებ თუ უმასპინძლებ , ამბავი შენით განაგრძობს თხრობას…