იბერიული, ქვევრი, ალადასტური, წითელი მშრალი ღვინო, 2019 წ.

ქვევრის ეს წითელი მშრალი ღვინო დამზადებულია მაღალი ხარისხის ალადასტურის ჯიშის ყურძნისგან, რომელიც გურიაში, ოზურგეთის მუნიციპალიტეტში ხელით არის მოკრეფილი. ვენახი მდებარეობს ზღვის დონიდან 120 მეტრის სიმაღლეზე. ღვინის ფერმენტაცია და დავარგება ხდება ნაწილობრივ ჭაჭაზე. ღვინო არის ლალისფერი, კომპლექსური წითელი მოცხარის, ჟოლოსა და მარწყვის არომატებით. აქვს საშუალო, რბილი ტანინები და ხალისიანი მჟავიანობა ხანგრძლივ დაბოლოებასთან ერთად. შესაძლებელია მცირედი კეთილშობილი ნალექის წარმოქმნა.

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.