ბარბალეს მარანი, ორხვი, თეთრი მშრალი ღვინო, 2021 წ.

ღვინო დამზადებულია ტრადიციული მეთოდით ლეჩხუმში, სოფელ ორხვში მოყვანილი ცოლიკოურის ჯიშის ყურძნისგან. ჰაეროვან ღვინოს აქვს ძალიან ღია ჩალისფერი შეფერილობა, ხანგრძლივი, გამყოლი გემო მწვანე ვაშლის არომატითა და გაზაფხულის ყვავილების სურნელებით.

„ბარბალეს მარანი“ 2014 წელს შეიქმნა, ღვინოები, რომლებიც თქვენს წინაშეა წამოდგენილი 2017-2019 წლებშია ბოთლში დავარგებული. ჩვენი მარანი ღვინის ისეთ გამორჩეულ სახეობებს აერთიანებს, როგორებიცაა ოცხანური საფერე, ციცქა-ქოლიკაური, უსახელოური, ხიხვი, ხვანჭკარა და სხვა. ბარბალე ნაყოფიერებისა და მზის ქალღმერთია ქართულ მითოლოგიაში, ამავდროულად წინაქრისტიანული ღმერთების პანთეონის ერთ-ერთი მთავარი ღმერთია, კოლხ-იბერები – პროტოქართველები მას ეთაყვანებოდნენ, როგორც საწყის მფარველს, ასევე ნაყოფიერების ქალღმერთს, რომელიც განაპირობებდა და უზრუნველყოფდა არა მარტო ადამიანების, არამედ მიწის, ყოველი ცოცხალი არსების ნაყოფიერებასა და სიცოცხლის უწყვეტ ციკლს. ასო ბანი, ბორბალი, ბრუნვა, ბარბალე, ბარბარობა, ბორჯღალი ურთიერთკავშირშია და სათავეს ჩვენი ძალიან ძველი წარსულიდან იღებს. აქედანაა ჩვენი სახელიც ,,ბარბალე მარანი».