არჩილის ღვინო, რქაწითელი, თეთრი მშრალი, 2016, რეზერვი.

თელავის ძველი მარანი - არჩილის ღვინო - (Archil’s Wine) რქაწითელი 2016, ხელნაკეთი ქარვისფერი მშრალი ღვინო, ძველი ვენახის 2016 წლის მოსავალი. დამზადებულია მეღვინე-მევენახე არჩილ უთიაშვილის მიერ, კახეთში, წინანდლის მიკროზონაში, სოფელ კურდღელაურში 1970 წელს გაშენებული რქაწითელის ჯიშის საუკეთესო ხარისხის, ბიოლოგიური და ეკოლოგიურად სუფთა მეთოდებით მოყვანილი ყურძნისაგან თანამედროვე და უძველესი ქართული ტრადიციული ტექნოლოგიის მიხედვით, დადუღებულია ჭაჭა-კლერტთან ერთად, იგი ქარვისფერია, ხასიათდება ცოცხალი, სხეულიანი, ხავერდოვანი გემოთი. ვაშლის, ატმის და ხილის ჩირის ნაზი ტონები ჰარმონიულად არის დაბალანსებული, ხანგრძლივი სურნელოვანი დაგემოვნებით.

მე გახლავართ არჩილ უთიაშვილი, მეღვინე - მევენახე, შპს ,,თელავის ძველი მარანი’’-ს დამფუძნებელი, რომელიც დავაარსე 2011 წელს. ჩემი მთავარი მიზანია, შევქმანა მაღალხარისხიანი ღვინოები. ღვინის დასამზადებლად ვიყენებ საკუთარ ვენახში მოწეულ ყურძენს. 2010 წელს შევიძინე ვენახი რქაწითელის და საფერავის ჯიშის ვაზით, რომელიც გაშენებული იყო 1970 წელს კახეთში, წინანდლის მიკრო ზონაში, თელავში, სოფელ კურდღელაურში, ზღვის დონიდან 510 მეტრზე. 2014 წლიდან ვენახის მოვლისთვის ვიყენებ მხოლოდ ბიოლოგიურ და ეკოლოგიურად სუფთა საშუალებებს და მეთოდებს. ღვინის ხარისხის უზრუნველსაყოფად განსაკუთრებულ მნიშვნელობას ვანიჭებ ვენახის მოვლის აგროტექნოლოგიურ სამუშაოებს და ყურძნის ხარისხის კონტროლს, რაც ჩემი ღვინის წარმოებისთვის არის მაღალი ხარისხის გარანტი.