Wine Wood, საფერავი, ქვევრის წითელი მშრალი ღვინო, 2020 წ.

საფერავის ლეგენდარული ღვინის დასამზადებლად კახეთის ოქროსფერ ვენახებში ამ სანაქებო ჯიში ვაზის მოსავალს შერჩევით კრეფენ და აყენებენ მართლაც გამორჩეულ, კახურ ღვინოს. საფერავს ახაასიათებს საუცხოო დაბალანსებული გემო და გამოხატული ჯიშური არომატი.

Wine Wood-ი თანამედროვე, პრემიუმ კლასის ღვინის მარანია. მისი ისტორია 2020 წელს, ქალაქ თელავში იწყება.  მშვენიერი ტყის პირას, საუკეთესო ყურძნისაგან აყენებენ სხვადასხვა სახეობის უმაღლესი  ხარისხის კახურ ღვინოს.  ღვინის ფილოსოფია დეტალებშია: სწორედ უმცირესი დეტალების გათვალისწინებითა და არსებული ტექნოლოგიების გაუმჯობესებით მიიღება Wine Wood-ის უნიკალური გემო.

შემოდგომას,  მეღვინეები კახეთის მზიანი ვენახებიდან არჩევენ ყურძნის საუკეთესო მოსავალს, სათუთად კრეფენ მტევნებს და მარნამდე სპეციალური, პატარა ყუთებით გადააქვთ. ყუთებით ტრანსპორტირებისას ყურძენი არ იჭყლიტება და არ იხუთება, შესაბამისად, მარნამდე აღწევს ისეთივე ქორფა და ცინცხალი, როგორც ახალდაკრეფილი - ეს ტექნოლოგია აძლევს საშუალებას თავიდან აირიდონ ყურძნისათვის მავნე პროცესები და მაქსიმალურად გააუმჯობესონ ღვინის ხარისხი.

  მარანი აღჭურვილია წამყვანი იტალიური ბრენდების (ALBRIGI, ENOVENETA), უახლესი ტექნოლოგიით შექმნილი დანადგარებით, რაც შეუცვლელია კარგი ღვინის შექმნის პროცესში. ღვინო ყენდება როგორც ტრადიციულ ქვევრებში, ისე უჟანგავი ფოლადის რეზერვუარებსა და ფრანგული მუხის კასრებში. წარმოებას ყველა ეტაპზე ხელმძღვანელობენ მაღალკვალიფიციური მეღვინე-ტექნოლოგები.

მათ სჯერათ, რომ ღვინის დაყენებისთვის, ჰარმონიული გარემოს შექმნაა საჭირო, რადგან ღვინო ადგილის სულს ატარებს.  მარანი თელავში, ზღაპრულ, ტყიან ადგილასაა გაშენებული, სადაც ღვინის დაგემოვნება ერთი-ორად სასიამოვნოა.