Satisfyer Feel Good მენსტრუალური ჭიქა

მრავალჯერადი მენსტრუალური ჭიქა უზრუნველყოფს კომფორტულ და ეკოლოგიურად სუფთა მენსტრუაციის პერიოდს. გამოყენებული სამედიცინო ხარისხის სილიკონი უსაფრთხოა თქვენი სხეულისთვის და ამცირებს გაღიზიანების ან ალერგიის რისკს, რომელიც ხშირად ასოცირდება მენსტრუაციის სხვა პროდუქტებთან. შეფუთვაში არის ორი ზომის ჭიქა (15 მლ, 20 მლ) მსუბუქი და ძლიერი დენისთვის, ნებისმიერ შემთხვევაში ჭიქა  ხელს უშლის გაჟონვას 12 საათის განმავლობაში.

თავდაპირველ გამოყენებამდე აუცილებელია ჭიქის გასტერილება სპეციალური სასტერილიზაციო სითხით ან მარტივად, ცხელი/მდუღარე წყლით დამუშავებით - ე.წ. გამოხარშვით. გამოხარშვისას ჭიქა მინიმუმ 3 წუთი უნდა გააჩეროთ მდუღარე წყალში. ციკლის პერიოდში ჭიქის მოხმარებისას სასურველია ყოველი დაცლისას ჭიქა დამუშავდეს ინტიმური გელით და გაირეცხოს გამდინარე წყლით ან სპეციალური სითხით. წყალში უნდა გავავლოთ მინიმუმ 1 წუთის განმავლობაში. აუცილებელია ჭიქის დეზინფექცია ყოველი ციკლის შემდგომ, შენახვამდე და ხელახალი მოხმარების წინ.

მენსტრუალური ჭიქის მოსათავსებლად საჭიროა, ის ჯერ სათანადოდ მოიკეცოს  და მიეცეს სასურველი/ოპტიმალური ფორმა. მოთავსდება იმგვარად, როგორც მომხმარებლისთვისაა მოსახერხებელი. გამოცვლა/დაცლა, როგორც წესი, საკმარისია დღეში 3-4-ჯერ. ჭიქა უნდა ამოვიღოთ მის ბოლოში არსებული მცირე ზომის სახელურით.