PYLONES, სასალათე ჯამი, 450 მლ

PYLONES-ის ფაიფურის სასალათეს აქვს დახვეწილი, თანამედროვე დიზაინი და ერწყმის ნებისმიერი სამზარეულოს ინტერიერს. არის კომპაქტურად შესანახი და არ იკავებს დიდ ადგილს სამზარეულოში. არ არის რეკომენდებული ჭურჭლის სარეცხ მანქანაში გამოყენება.

PYLONES-ის გალაქტიკა სავსეა უჩვეულო და მხიარული ნივთებით, იმედისმომცემი და ამაღელვებელი, ენერგიული თავგადასავლებით, შეშლილი იდეებითა და საკვირველი ქმნილებებით…
ჩავიხედოთ PYLONES-ის გალაქტიკის გულში – ვიმოგზაუროთ დროში და დავბრუნდეთ ზუსტად იმ მომენტში, როდესაც ყველა ძირითადი ელემენტი შეერთდა: 1985 წლის პარიზში…

PYLONES-მა 35 წლის იუბილე 2020 წელს იზეიმა – ჯერ კიდევ აღტაცებულმა იმ ტრანსფორმაციით, რაც დაწყების დღიდან განიცადა. ცოცხალი, მჩქეფარე ენერგიით სავსე ბრენდმა მალევე დაკარგა დროის შეგრძნება.
ნუთუ უკვე 30 წელი გავიდა?
PYLONES-ის ექსპერიმენტული სახელოსნო აქტიურ, დამოუკიდებელ საშუალო ბიზნესად გადაიქცა, რომელიც ფრანგული დიზაინის ექსპორტს მთელ მსოფლიოში ეწევა. 2015 წელს ბრენდმა შექმნა მოდური აქსესუარების ახალი კოლექციები და ამასთან, საჩუქრებისა და სუვენირების ასორტიმენტი ბრენდის საყვარელი ქალაქების (პარიზი, ბერლინი, ლონდონი, ვენეცია, ფლორენცია და ნიუ-იორკში) ფერებში.

PYLONES, როგორც პოპულარული ხელოვნებისა და ტრადიციების, ისე მისი ტექნიკისა და საუკუნოვანი ორნამენტების ამაყი მემკვიდრე, თამამად იყენებს 21-ე საუკუნის მასალებს და ქმნის უმშვენიერეს, თანამედროვე ნივთებს, რომლებშიც ტრადიცია და ტექნოლოგიებია გაერთიანებული. PYLONES-ს ყოველთვის მოსწონდა ცეცხლზე ნავთის დასხმა. უყვარს განახლება, საგნების ხელახლა გამოგონება, ახლებურად გამოწყობა თუ შეღებვა, რათა ყოველდღიურობა უფრო შესანიშნავი და სრულყოფილი გახდეს.

და რაც შეეხება თავად ნივთებს..
Pylones სიყვარულით ქმნის ხელნაკეთ თუ დიზაინერულ ნაწარმზე დატანილ სახასიათო გამოსახულებებს. თითოეული მათგანი უნიკალურია – გასაოცარი, გამორჩეული, სახასიათო თუ აბსტრაქტული. Pylones-ის გადასაწყვეტია, მოღიმარენი იქნებიან თუ არა ნივთები, რამეს მოგთხოვენ თუ არა, გულუბრყვილოები იქნებიან თუ სნობები; გინდ ცხოველები იყვნენ, გინდ ადამიანები, ისინი მაგიურ საჩუქრებად და მხიარულ თანამგზავრებად იქცევიან, რათა რუტინული ყოველდღიურობა გამოაცოცხლონ.

Pylones ბოლო რამდენიმე ათეული წელია პარიზში საქმიანობს და მთელ მსოფლიოში ასზე მეტ მაღაზიას აერთიანებს.

1996 წლიდან მოყოლებული, მინის ფორმირების სახელოსნო, რომელიც პარიზთან ახლოს, კომპანიის ქარხნის გულში მდებარეობს, მუდამ სავსეა იდეებით და ქმნის "Le Souffle de Pylones" – ბეჭდების, ყელსაბამებისა და საყურეების საიუველირო კოლექციას. "Le Souffle de Pylones" თითოეული აქსესუარი მინის ბერვის ტექნიკის გამოყენებით იწარმოება.
"couture”-ის ფერებით, თხევადი და ბრჭყვიალა ეფექტით გამორჩეულ ნივთებს – ბეჰემოთები იქნება თუ მინიატურები – ელეგანტურობა ახასიათებს. ეს სამკაულები დიდებული პარიზული მოდის მშვიდობიან, ბედნიერ დღეებს გვახსენებს!

Pylones-ის ადრეული დღეების პირველმა წარმატებამ სტიმული მისცა იმას, რაც მოგვიანებით ბიზნესის ქვაკუთხედი გახდა: პატარა ნივთების შექმნას.

რატომ Pylones? – იმიტომ, რომ პილონები უყვართ – ეს შთამბეჭდავი ფიგურები, რომლებიც უზარმაზარი ელექტროგადამცემი სვეტების მსგავსად გადასცემენ ენერგიას დაბლობებსა და მინდვრებში, ხეობებსა და მთებში და მათთვის უცხოა ყველანაირი საზღვრები. მათ მსგავსად, და პატივისცემის ნიშნად, Pylones-იც ხელგაშლილი ელის მთელ პლანეტას და მზადაა, დადებით ენერგია გადასცეს!

მრავალი ელემენტი 1985 წელს, პარიზში გაერთიანდა – სადღაც ძველმანების ბაზარსა და ENSCI სამრეწველო დიზაინის სკოლას შორის.

თავად ნივთები კი – ცხოველის ფორმის სამკაულები, დამზადებული ლატექსისგან – გიჟური, თუმცა მოქნილი და მრავალმხრივი მასალისგან, რომელიც ყველაზე ფანტასტიკურ, ველურ წარმოსახვასაც კი აცოცხლებს.
და ხალხი? – ჟაკ და ლენა გილემეტები და სამი გაბედული ახალგაზრდა დიზაინერი – "Les Braguettes Magiques". სწორედ ისინი მიმართავენ იმპროვიზაციებს სახელოსნოში, რათა მზარდი მომხმარებლის ყველა მოთხოვნა დააკმაყოფილონ. გაიზარდა ყალიბების რაოდენობა, ერთმანეთს ერევა ახალ-ახალი ფერები, დიზაინი არ ცნობს არავითარ საზღვრებს, რის შედეგადაც იქმნება მრავალგვარი სამაგრი, ყელსახვევი, ლამპები თუ სარკეები და ა.შ. ამ ლირიკული Bric-à-brac-ის („ძველმანების“) საფუძველზე გაიხსნა პირველი პარიზული მაღაზია Ile Saint-Louis-ზე, 1987 წელს.
მაგრამ ეს Pylones-ის ისტორიის ჯერ მხოლოდ დასაწყისია...