ნაბერაული, რაჭული მწვანე, თეთრი მშრალი ღბინო, 2022 წ.

უკიდურესად იშვიათი ძირძველი ვაზის ჯიში, რომელიც გადაშენების პირას იყო, აღორძინდა Naberauli Wines-ის მიერ. ღვინოს აქვს მსუბუქი, ელეგანტური სხეული, სუფთა მჟავიანობა და სასიამოვნო გემო

შპს „ნაბერაული ვაინსის“ ისტორია 2018 წლის შემოდგომიდან იწყება, მაშინ როდესაც რაჭაში, სოფელ სადმელში კომპანიის კუთვნილ ვენახებში რთველი გაიმართა. პირველი მოსავალი სხვა კომპანიის ქარხანაში დაიწურა და ღვინოდ ჩამოისხა. პირველი წლის მოსავალი მხოლოდ ხვანჭკარა იყო, გამომდინარე იქიდან, რომ აღნიშნულ ტეროტორიაზე მხოლოდ ალექსანდროული და მუჯურეთული ვაზის ჯიშები იყო გაშენებული. შესანიშნავი ხვანჭკარას პირველი შემფასებლები მხოლოდ სანაცნობო წრე და ადგილობრივი მეღვინეები იყვნენ. სწორედ დადებითი შესაფებების შემდგომ გადაწყდა კომპანიის კუთვილი ქარხნის აშენება და მეტი ვენახის, შესაბამისად, მეტი ჯიშების გაშენება სადმელის ტერიტორიაზე. სწორედ რაჭის მთებში, მტრისაგან მალულად, ხელუხლებელ მიწებზე ბერებს ყურძენი მოჰყავდათ. ბერები მთელი ზაფხულის განმავლობაში ყურძნის უნიკალურ ჯიშებს თავს დასტრიალებდნენ, შემოდგომის რომელიმე მზიან და ოქროსფერ დღეს კი – კრეფდნენ და წურავდნენ. ამ ადგილას ბერების მარნების მხოლოდ ნაშთებია შემორჩენილი, თავად ისტორია კი, დიდხანს იყო დავიწყებული. თუმცა, მიუხედავად ამისა, ადგილობრივების დახმარებით, რაჭული ღვინის დავიწყებული ამბავი კვლავ გაცოცხლდა; ღვინოს კი, მისი შემქმნელების პატივსაცემად ნაბერაული დაერქვა. გადმოცემის თანახმად, ჩვენი ისტორია მე-17-18 საუკუნეებიდან იწყება, მაშინ, როცა საქართველოს ბარი მტერს ებრძოდა; მთაში კი, ხელოვნების ნიმუშები და ქართველი კაცისთვის ყველაზე მნიშვნელოვანი – ვაზი გაიხიზნა. თითქოს, ქართველების წინაპრებმა თავიდანვე იცოდნენ, რომ სწორედ ღვინო იქნებოდა ის სავიზიტო ბარათი, რომლითაც მომავალში საქართველო მთელი მსოფლიოს წინაშე წარსდგებოდა და თავს გააცნობდა. ნაბერაულის მისია, ქართული ღვინის მრავალფეროვნების, უნიკალური და უიშვიათესი ქართული ვაზის ჯიშების შენარჩუნება და განვითარებაა; ღვინის უნიკალური სახეობა - რაჭული მწვანე, ბრენდის ის მთავარი მახასიათებელია, რაც მას ქართული მეღვინეობის ბაზარზე სხვა მწარმოებლებისგან განასხვავებს. რაჭული უიშვიათესი ღვინის სახეობებიდან ქართველი და უცხოელი მომხმარებელი მხოლოდ ხვანჭკარას იცნობს. თუმცა, ამ რეგიონს ჭიქა ღვინით საქართველოსა და მსოფლიოსთვის ბევრი რამ აქვს სათქმელი. რაჭის მეღვინეობის მივიწყებული ადათ-წესების აღდგენითა და წარსულისა თუ ექსპერიმენტების მუდმივი ძიებით, „ნაბერაული“ ქმნის ნამდვილი რაჭული ღვინის განუმეორებელ გემოს. საინტერესო და გამორჩეული სტილის ეტიკეტებით კი ამ კუთხისთვის დამახასიათებელი ტრადიციების შესახებ ყვება. „ნაბერაულის“ ბრენდის ქვეშ უიშვიათესი ჯიშებით ნამდვილი რაჭული ღვინოების ფართო ასორტიმენტი იკვრება, რომელიც ღირსეულ კონკურენციას უწევს საქართველოს სხვა კუთხეების ცნობილ ღვინოებს.