Lido Canella, პროსეკო, ვარდისფერი მშრალი.

Lido Canella გახლავთ ვარდისფერი ცქრიალა ღვინო პროსეკო, დამზადებული გლერას ჯიშის ყურძნისგან. მას აქვს სასიამოვნო ხილის არომატი, რომელსაც ერწყმის შემოდგომის ტყის სურნელი, გემო კი დელიკატური და სავსეა, მკვეთრად იგრძნობა წითელი კენკრის ელემენტები. ღვინო იდეალურია როგორც აპერიტივად, ისე ხორცთან, თევზთან და სხვა საკვებთან.

Casa Vinicola Canella დაარსდა 1947 წლის სექტემბერში ლუჩიანო კანელას მიერ, რომელიც დღემდე მართავს კომპანიას შვილების დახმარებით. ლუჩიანოს მშობლებს ჰქონდათ პატარა საოჯახო რესტორანი სან დონა დი პიავეში (ვენეციის ჩრდილო-დასავლეთით), რომელშიც ლუჩიანოს ღვინის მიწოდება ევალებოდა. ღვინისადმი ინტერესის აღმოჩენის შემდეგ მან უფრო ღრმად დაიწყო ენოლოგიის შესწავლა. ლუჩიანო კანელას ინოვაციებისა და ახალი ტექნოლოგიებისადმი გატაცების წყალობით, მისი ღვინოები იწარმოება უახლესი ტექნოლოგიების გამოყენებით. ლუჩიანო თავისი მოღვაწეობის დაწყებიდანვე დიდ მნიშვნელობას ანიჭებდა სასმლის ვიზუალს, ამიტომ ღვინო ორიგინალური სახით ჩამოსხმულია ელეგანტური ეტიკეტებით. 80-იან წლებში კანელა, რომელიც სპეციალიზირებული იყო ცქრიალა ღვინოების წარმოებაში, იყენებდა პიავის რეგიონის მშვენიერ ყურძენს, ასევე პროსეკოს კონელიანოსა და ვალდობიადენიდან, მოგვიანებით იგი შეუერთდა პროსეკოს კონსორციუმს. Canella-ს Prosecco-სადმი გატაცებისა და კომპანიის ინოვაციური სულისკვეთების წყალობით დაიწყო ღვინოსა და ხილზე დაფუძნებული კოქტეილების წარმოება, მათ შორის ვენეციური ბელინის კოქტეილი, რომელმაც მალევე მოიპოვა საერთაშორისო აღიარება. 90-იან წლებში Canella-ს ბრენდი უფრო ცნობილი გახდა საზღვარგარეთ, ჯერ გერმანიაში, შვეიცარიასა და ავსტრიაში, შემდეგ კი ევროპის სხვა ქვეყნებში. 1994 წელს კომპანია VinItaly-ში დაჯილდოვდა ოქროს მედლით ცქრიალა ღვინოების წარმოებაში საუკეთესო მეთოდების გამოყენებისთვის. 1996 წლიდან Canella ფლობს კიდევ ერთ პრესტიჟულ ბრენდს Deroa-ს. ბოლო ათწლეულის განმავლობაში, Canella Prosecco და Canella კოქტეილები პოპულარული გახდა მთელ მსოფლიოში, მიაღწია აშშ-ში, კანადაში, იაპონიასა და ავსტრალიაში.