Kikkerland, მაღვიძარა

Kikkerland-ის კომპაქტური მაღვიძარა, რომელიც შესანიშნავად თავსდება მაგიდაზე ან საწოლის გვერდით.
ნაცრისფერი პლასტმასის ქეისი სპილოს ძვლისფერი ზედაპირით, მას რეტრო იერს აძლებს, რომელიც ერთდროულად მომხიბვლელი და თვალისმომჭრელია. საათზე დატანილია ადვილად წასაკითხი, მკაფიო შრიფტით დაბეჭდილი რიცხვები. საათის ისრები ასევე ადვილად შესამჩნევია, კონტრასტული წითელი წამის ამთვლელის ფონზე, რაც აადვილებს საათის ცნობას.
მაღვიძარის სიგნალის ხმა კი შეგიძლიათ გამორთოთ საათის თავზე მოთავსებული ღილაკის გამოყენებით.
Kikkerland რეტრო საათის კვარცული მოძრაობა უზრუნველყოფს დროის ზუსტ და საიმედო აღრიცხვას.

ელეგანტური და ფუნქციონალური საათი, რომელიც იდეალურია ყველასთვის, ვისაც ვინტაჟური სტილი მოსწონს. იგი მარტივი გამოსაყენებელია და ნებისმიერი ოთახის ინტერიერს ხიბლს მატებს. მუშაობს 1 AA ტიპის ელემენტზე.

Kikkerland 1980-იანი წლების ბოლოს, ჰოლანდიელი დიზაინერის - იან ვან დერ ლანდე-ს პროექტის მიხედვით ნიუ-იორკში დაარსდა. დღესდღეობით ბრენდი იმდენად პოპულარულია მსოფლიოში, რომ მისი ასეთი მცირეხნიანი ისტორია რთული დასაჯერებელია. Kikkerland აწარმოებს გულდასმით შემუშავებული დიზაინის მცირე ზომის ნივთებს, რომლებსაც მსოფლიოს ნებისმიერ წერტილში საკანცელარიო, თუ საჩუქრების მაღაზიებში წააწყდებით. Kikkerland-ის ნივთებზე, კომპანიის 15 ადამიანისგან შემდგარ გუნდთან ერთად არაერთი ცნობილი დიზაინერი მუშაობს, რომლებიც ყოველდღიურად ქმნიან და ავითარებენ ახალ პროდუქტებს. Kikkerland Design აფართოვებს უნიკალური ნივთების უდიდეს კოლექციას. თითოეული პროდუქტი ფორმის, ფუნქციურობისა და ესთეტიურობის ბალანსია. აღსანიშნავია, რომ Kikkerland წარმოდგენილია 20-მდე კატეგორიაში და ყველა მათგანი წარმატებით იყიდება მსოფლიოს სხვადასხვა ქვეყანაში.

Kikkerland-ის დამფუძნებელი იან ვან დერ ლანდე მოგვითხრობს, თუ როგორ გადავიდა თავისი ჰოლანდიური ბრენდის ველოსიპედით მიწოდებიდან მსოფლიო იმპორტზე. იან ვან დერ ლანდემ 1980-იანი წლების ბოლოს თავის დიზაინერ მეგობრებთან ერთად დაიწყო ლარნაკებისა და ნათურების გაყიდვა. მომხმარებლებისთვის პროდუქციის მისაწოდებლად, თავად დადიოდა ველოსიპედით ქუჩებში. თავდაპირველად ვან დერ ლანდე საკუთარ საცხოვრებელ ნავში, მდინარე ჰადსონზე მუშაობდა ნივთებზე. შემდეგ კი, ბიზნესის გაფართოებასთან ერთად, ახალი თანამშრომლები შეიძინა და ნამდვილი ოფისიც გახსნა. ნელ-ნელა, მეგობრების დახმარებით არაერთ კრეატიულ დიზაინერთან დაამყარა კონტაქტი მსოფლიოს სხვადასხვა ქალაქში და გახსნა Kikkerland-ის ფილიალები ბევრ ქვეყანაში. დღესდღეობით Kikkerland-ი წელიწადში 300-მდე პროდუქტს აწარმოებს და თითოეული მათგანი იქმნება საოცარი კრეატიულობით. ვან დერ ლანდე ისევ საკუთარ ნავში ცხოვრობს და ყოველდღე ველოსიპედით დადის Kikkerland-ის მანჰეტენის ოფისში, ზუსტად ისე, როგორც ნამდვილი ნიდერლანდელი.