იბერიული, ქვევრი, საფერავი, წითელი მშრალი ღვინო.

იბერიულის ხაზის ეს წითელი მშრალი ღვინო დამზადებულია უმაღლესი ხარისხის საფერავის ჯიშის ყურძნისაგან, მოწეული კახეთში, ნაფარეულის მკაცრად კონტროლირებად მიკროზონაში გაშენებული, „შუმის“ კუთვნილი ვენახიდან „სატრაბახო“. ვენახი მდებარეობს მდინარე ალაზნის მარცხენა სანაპიროზე, ზღვის დონიდან 450 მ. სიმაღლეზე. დადუღებულია ქვევრში, კახური ტრადიციული მეთოდით. ღვინო არის მუქი ბროწეულისფერი, მკვეთრად გამოხატული სანელებლებისა და იის არომატით. ხასიათდება სასიამოვნო დაბოლოებით. შესაძლებელია მცირედი კეთილშობილი ნალექის წარმოქმნა. სასურველია მიირთვათ: +16-18°C ტემპერატურაზე.

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.