Haakaa Shell Wearable რძის ბუნებრივი საწველი 120მლ

Haakaa - Shell Wearable რძის ბუნებრივი საწველი, სპეციალურად შექმნილია რძის მარტივად, კომფორტულად და უმტკივნეულოდ გამოწველისთვის. ეს პატარა, დახვეწილი მოწყობილობა იდეალური გამოსავალია ლაქტაციაზე მყოფი ქალბატონებისთვის, რადგან არ მოითხოვს ზედმეტი დროის დათმობას. ორმაგი მოქმედების წყალობით შეუძლია, როგორც რძის გამოწველა, ასევე კოლექტორის ფუნქციის შეთავსება. მოხერხებული ფორმის გამო საწველი გამოყენებისას თითქმის არ იგრძნობა, იცავს გაჟონვისგან და მარტივად სუფთავდება.

პროდუქტის გასუფთავება აუცილებელია გამოყენებამდე და გამოყენების შემდეგ. რეკომენდებულია ხელით, თბილ, საპნიან წყალში გარეცხვა. სტერილიზაციისთვის გამოიყენეთ ორთქლის სტერილიზატორი ან დააყოვნეთ პროდუქტი ადუღებულ წყალში 2-3 წუთის განმავლობაში. სტერილიზაციის დროს დარწმუნდით, რომ საწველის სარქველი ღიაა, რადგან არ დეფორმირდეს სილიკონი. რეკომენდებულია მხოლოდ ნაზი ჯაგრისით ან ღრუბლით წმენდა, რომ არ დაზიანდეს საწველის ზედაპირი. არ გამოიყენოთ სარეცხი საშუალებები ან ტაბლეტები, რომლებიც შეიცავენ მათეთრებელს. ინახება გრილ, მშრალ, მზის პირდაპირი სხივებისგან დაცულ ადგილას.

თუ წნევა ძალიან ძლიერი და არაკომფორტულია, სარქვლის მოხსნით შეგიძლიათ დაარეგულიროთ თქვენთვის სასურველი შეწოვის სიძლიერე.თუ იგრძნობთ, რომ საწველი კარგად არ ეკვრება მკერდს, ნიჟარაზე თითის ერთი დაჭერით შეგიძლიათ დაუბრუნოთ თავდაპირველი წნევა, ასეთ შემთხვევაში აუცილებლად დააკვირდით რძის რაოდენობას ნიჟარაში, რომ არ გადაივსოს.როდესაც დაასრულებთ, მოხსენით სარქველი და გამოათავისუფლეთ წნევა. თითების დახმარებით ფრთხილად მოაშორეთ მკერდს და გადმოატრიალეთ ნიჟარა ისე, რომ რძე არ დაიღვაროს.