Grant's Triple Wood, შერეული სკოტჩი, 12-წლიანი, 700 მლ.

Grant's-ის სკოტჩი, Triple Wood, ალაოსა და მარცვლეულის დისტილატისგანაა დამზადებული. სასმელი 12 წლის განმავლობაში შერის, ამერიკული მუხისა და ბურბონის კასრებშია დაძველებული. შერის კასრი სასმელს სანელებლების მოტკბო გემოს ანიჭებს, ამერიკული მუხა ვანილის გლუვ ელემენტებს, ხოლო ბურბონის კასრი ყავისფერი შაქრის სასიამოვნო სიტკბოს სძენს სკოტჩს. სამივე კასრში დაძველების შემდეგ ვიღებთ ქარვისფერს ვისკის, რომელსაც მოტკბო მუხის არომატი, ვანილის, თაფლისა და სანელებლების გემო და ხანგრძლივი, გლუვი დასრულება აქვს.

1886 წელს უილიამ გრანტმა დაიწყო მუშაობა დისტილერიაში, როგორც ბუღალტერმა, თუმცა 1898 წელს, როდესაც იმ დროისთვის ყველაზე დიდი შოტლანდიური ბლენდერი გაკოტრდა, უილიამი უშუალოდ ჩაერთო ამ ბიზნესში და გრანტის ვისკი გამოუშვა. მან, შვიდი ვაჟისა და ორი ქალიშვილის დახმარებით, ააშენა გლენდფიდიჩის დისტილერია დაფტაუნში, შოტლანდიაში. იმ დროიდან დღემდე კომპანია ბევრ დაბრკოლებას წააწყდა, თუმცა დღეს მის ტრადიციას აგრძელებს ოჯახის მეხუთე თაობა. სასმელები William Grant & Sons ცნობილია მთელ მსოფლიოში, ისინი იყიდება 180-ზე მეტ ქვეყანაში. Grant's მსოფლიოში ერთ-ერთი წამყვანი ბრენდია.