Georgica, საფერავი, წითელი მშრალი ღვინო, 2013 წ.

წითელი მშრალი ღვინო - დამზადებული საფერავის ჯიშის რჩეული მტევნებისგან, მოწეული ნაფარეულის მიკროზონაში გაშენებული 35 წლიან ვენახში, რაც განაპირობებს ყურძნის მაღალ ხარისხსა და ღვინის უნიკალურობას. ღვინო არის მუქი ბროწეულისფერი, მწიფე ტყის კენკრის, ტყავისა და შებოლილი შაშხის მდიდარი არომატით რომელიც კარგად ერწყმის მუხის სასიამოვნო სანელებლის ტონებს. გამოირჩევა რბილი და ხავერდოვანი ბუკეტით, მრგვალი ტანინებითა და სასიამოვნო მჟავიანობით, რასაც ახლავს შესანიშნავი და ხანგრძლივი დაბოლოვება.

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.