Georgian Fine Wines, საფერავი რეზერვი, წითელი მშრალი, 2007.

ღვინო დამზადებულია კახეთის ორ გამორჩეულ ტერუარში (ახოებსა და მუკუზანში) მოწეული საფერავის ჯიშის ყურძნისგან. ახასიათებს მუქი ალუბლისფერი შეფერილობა ძოწისფერი რკალით. დომინირებს კასრში დავარგებისა და ბოთლში დაძველებისთვის დამახასიათებელი არომატები: კვამლი, ვანილი, ქოქოსი, მსუბუქი ტყავი, მწიფე შავი ქლიავი, სანელებლები, თამბაქო. აქვს სრული სხეული, ხავერდოვანი ტანინები და ხანგრძლივი დაბოლოება. პალეტზე ქლიავის ჩირის ტონები იგრძნობა. კომპლექსური, ხასიათიანი და ამავდროულად ელეგანტური ღვინოა, კარგად იხდენს ასაკს და კიდევ აქვს ბოთლში დაძველების პოტენციალი. იდეალურია მათთვის ვისაც აინტერესებს საფერავის დაძველების პოტენციალი და უყვარს კასრში დავარგებული სხეულიანი ღვინოები. ღვინო გაუფილტრავია. საჭიროებს დეკანტირებას მინიმუმ ერთი საათით. იდეალურად შეეხამება დაბალ ტემპერატურაზე დიდი ხნის განმავლობაში მომზადებულ წითელ ხორცს მობრაწული ბოსტნეულის გარნირით. ასევე პაშტეტსა და სოკოს კერძებს.

კომპანია დაარსდა 2012 წელს. ჩვენი ვენახები გაშენებულია კახეთის გამორჩეულ მიკროზონებში რაც უნიკალური შესაძლებლობაა პრემიუმ ხარისხის ღვინოების საწარმოებლად, მაღალხარისხიანი ყურძენი მოვიყვანოთ. ქიმერიონი ფლობს თანამედროვე ტექნოლოგიებით აღჭურვილ ღვინის ქარხანას გურჯაანში. კომპანია ასევე აწარმოებს მაღალ ალკოჰოლურ სასმელებს – ბრენდის და ორი სახეობის ჭაჭას. საწარმო აღჭურვილია თანამედროვე ტექნიკით და ჩამოსასხმელი დანადგარებით. წარმოების პროცესი მიმდინარეობს საერთაშორისო სტანდარტების სრული დაცვით და კონტროლით.