ჯინო

საბავშვო სათავგადასავლო ნოველა „ჯინო“ საფუძვლად უდევს მრავალი საერთაშორისო ჯილდოს მფლობელ, ამავე სახელწოდების ანიმაციურ ფილმს.

გუბის გარშემო, რომელშიც სხვადასხვა არსებები ცხოვრობენ, მშენებლობა იწყება. წყალი
თანდათან შრება და გუბის მაცხოვრებლები მისი ცენტრისკენ გადაბარგებას იწყებენ, იქ, სადაც
ლელიანით დაფარულ გორაკზე გომბეშო ჯინოს სახლი დგას. ჯინოს მხოლოდ საკუთარი
კეთილდღეობა ადარდებს და მოახლოებულ მეზობლებს იგერიებს. ის სახლის გარშემო მაღალ
ღობეს აშენებს. გუბის მაცხოვრებლები იძულებული ხდებიან ახალი საბინადრო ეძებონ.
ღამით, საკუთარ ეზოში გამოკეტილი ჯინო, კინაღამ ხანძრის მსხვერპლი ხდება. მას ყოფილი
მეზობლები გადაარჩენენ და თავიანთ ახალ საბინადროში - მშვენიერი ტბის პირას გადაიყვანენ.
მაგრამ, როგორც ჩანს, ეს მშვენიერი წალკოტიც საფრთხეშია...

ეს ჯინოს ამბავთაგან პირველია, რომელსაც გაგრძელება მოყვება.
წიგნს თანდართული აქვს ფილმის პერსონაჟებისა და გარემოს ესკიზები.

წიგნის ავტორის, დათო კიკნაველიძის მრავალმხივი საქმიანობა მოიცავს ისეთ სფეროებს, როგორიცაა: მხატვრობა, ლიტერატურა, ანიმაცია, კინო, კომპიუტერული თამაშები, ციფრული ხელოვნება, ვირტუალური რეალობა, ჰოლოგრამული ინსტალაციები და სხვა. 
მას მრავალი საერთაშორისო ჯილდო და პრიზი აქვს მიღებული, მათ შორის, ანიმაციური ფილმისთვის „ჯინო“.