Doppelherz Aktiv ფოლიუმის მჟავა, 30 ტაბლეტი

ფოლიუმის მჟავა სიცოცხლისათვის აუცილებელი და შეუცვლელი ვიტამინია, რომელიც ორგანიზმს ესაჭიროება ნივთიერებათა ცვლისათვის. აქტიურად მონაწილეობს ცილოვან ცვლაში, ნუკლეინის მჟავების და ზოგიერთი ამინომჟავას სინთეზში, მონაწილეობს უჯრედების დაყოფისა და ზრდის პროცესში. გადამწყვეტ როლს ასრულებს ერთ-ერთი ამინომჟავის - ჰომოცისტეინის ცვლაში. ფოლიუმის მჟავისა და ვიტამინი B12 - ის ზემოქმედებით ჰომოცისტეინი გარდაიქმნება სხვა ამინომჟავად მეთიონინად, რომელსაც უდიდესი მნიშვნელობა აქვს ცხიმების ცვლის დროს. დამტკიცებულია, რომ სისხლის პლაზმაში ჰომოცისტეინის მომატებული კონცენტრაცია ზრდის ათეროსკლეროზის რისკს, ვინაიდან ამ დროს წარმოიქმნება თავისუფალი რადიკალები. საბოლოოდ, ამას მივყავართ სისხლძარღვების ენდოთელიუმის დაზიანებამდე. გარდა ამისა, ჰომოცისტეინი ზრდის სისხლის შედედებას. ფოლიუმის მჟავის უკმარისობა არღვევს ნორმალური სისხლწარმოქმნის პროცესს. მისი 4-5 თვიანი დეფიციტის დროს შესაძლებელია ანემიის რომელიმე ფორმის განვითარება (მეგალობლასტური – სისხლის ანომალიური უჯრედების წარმოშობა). ადამიანის ორგანიზმს არ შეუძლია ფოლიუმის მჟავის მარაგის შექმნა, ამიტომ საჭიროა ზრუნვა მის მუდმივად მიწოდებაზე.

ვიტამინი B6 - მონაწილეობს ლიპიდების, ამინომჟავების ცვლაში, ჰემოგლობინის ფორმირებაში და ასტიმულირებს კუნთების მუშაობას.

ვიტამინი B12 - აუცილებელია ანემიის განვითარების საპროფილაქტიკოდ. მონაწილეობს ნახშირწყლებისა და ამინომჟავების ცვლაში, რაც მნიშვნელოვანია ნერვული უჯრედების ფუნქციონირებისათვის.

ვიტამინი C - უჯრედული დაცვის ვიტამინი, ზრდის ორგანიზმის იმუნიტეტს, მონაწილეობს ლიპიდურ და ნახშირწყლოვან ცვლაში, შემაერთებელი ქსოვილის ფუნქციის შენარჩუნებაში.

ვიტამინი E - გააჩნია ანტიოქსიდანტური მოქმედება, მონაწილეობს ქსოვილოვანი მეტაბოლიზმის უმნიშვნელოვანეს პროცესებში, ხელს უშლის კაპილარების სიხისტის ზრდას. აუმჯობესებს ნივთიერებათა ცვლას უჯრედში და ზრდის ორგანიზმის იმუნიტეტს.

მიიღეთ 1 ტაბლეტი დღეში, ჭამის დროს საკმარისი რაოდენობის სითხესთან ერთად.