CHRONOS, ზოდიაქოს ნიშნის გულსაკიდი „თხის რქა”, 1.5 სმ

უნიკალური შინაარსის მქონე ზოდიაქოს ნიშნის გულსაკიდზე გამოსახული ასტროლოგიური ნიშანი შთაგონებულია სვეტიცხოვლის საკათედრო ტაძრის (ქართული ხუროთმოძღვრების ყველაზე მნიშვნელოვანი ძეგლი, XI ს.) სამხრეთ კედელზე განთავსებული ფრესკით (XVI-XVII სს.). ფრესკაზე გამოსახული 12 ასტროლოგიური ნიშნის მნიშვნელობის შესახებ არსებული კვლევების თანახმად, შესაძლოა, ისინი სხვადასხვა ზოდიაქოს ნიშნის ქვეშ დაბადებულ 12 მოციქულთან კავშირს ასახავდნენ; ან გამოხატავდნენ იესო ქრისტეს კავშირს კოსმიურ და მიწიერ სამყაროსთან. მზე, მთვარე და ვარსკვლავები აერთიანებს და აძლიერებს ამ გამოსახულებების მნიშვნელობასა და ძალას. მასალა: 24K მოოქროვილი/ვერცხლი 925.

„CHRONOS“ სამკაულის კოლექცია სამი ათასწლეულის ისტორიის მქონე ქართული საგანძურის შთაგონებითაა შექმნილი. კოლექცია, რომელიც მრავალსაუკუნოვან კულტურის ისტორიაში გამოგზაურებთ, შთამბეჭდავი და მრავალფეროვანია. თითოეული ნივთი სხვადასხვა ეპოქის კულტურის სახეს გამოხატავს და დიზაინთან ერთად, უნიკალურია თავისი საკუთარი ისტორიით. CHRONOS აერთიანებს მდიდარ ხასიათს, ხარისხს და ემოციას. CHRONOS სამკაულის ხასიათის წყარო მდიდარი ქართული კულტურული საგანძურია, რომელიც დღეს საქართველოს მუზეუმებშია დაცული. ყოველი ნივთი ამ ისტორიის მნიშვნელოვან დეტალს ჰყვება და ღირებულია თავისი ამბით. ისტორია ნივთის სილამაზეს სიღრმეს, მნიშვნელობას და დაუვიწყარ ემოციას სძენს. CHRONOS სამკაულის ხარისხის წყარო მის ყველა დეტალშია - დიზაინში, განხორციელებასა და შეფუთვაში. CHRONOS სამკაულის ემოციის წყარო ძველის და ისტორიულის თამამი და ახლებური ადაპტაციაა.