9 მთა, IPA, გაფილტრული ლუდი, 330 მლ.

ყველაზე დიდი გავლენა კრაფტ ლუდის განვითარებაში სწორედ IPA-ს, ანუ ინდურ ღია ფერის ელს, ეკუთვნის. ეს სტილი 1800-იანი წლებიდან არსებობს, ლუდის ხარშვის ეს მეთოდი შეიქმნა ბრიტანეთში. აქვს გაცილებით მეტი სვია, ამიტომ მისი ტრანსპორტირება ბრიტანეთიდან ინდოეთში შესაძლებელელი იყო. ეს იყო პირველი ღია ფერის ელი და პირველი ლუდი, რომელიც ექსპორტზე ინდოეთში გავიდა, აქედან გამომდინარე შეერქვა სახელი. „9 მთა“ IPA-ს მოსახარშად იყენებს ავსტრალიურ იშვიათი ჯიშის სვიას- Galaxy-ს. IPA-ში მიღებული უნიკალური გემოები მიიღწევა მხოლოდ მასში გამოყენებული სვიითა და ალაოთი. „თავდაპირველ სიმშრალეს მოსდევს მასიური ტროპიკული არომატი, რასაც ალაოს თავისებურად გამოკვეთილი გემო ასრულებს“.

ყველა მოგზაურს თავისი გზა აქვს, რომელზეც ადრე თუ გვიან, საკუთარ თავს აუცილებლად აღმოაჩენს. ჩვენთვის ეს გზა ბერგენზე გადიოდა. სწორედ სიახლის და თავგადასავლების სიყვარულმა მიგვიყვანა თავის დროზე პირველ კათხა კრაფტ ლუდთან. ამას ერთი ყლუპით შეყვარება დავარქვით. მას შემდეგ ბევრი კრაფტი დაილია და ჩვენც ერთხელ ნორვეგიაში აღმოვჩდნით, სადაც კრაფტ ლუდის ფესტივალზე Jikiun Kjetil გავიცანით. იგი ყოფილი ნორვეგიელი მფრინავია, რომელმაც ერთ დღეს, კრაფტ ლუდის აღმოჩენის შემდეგ, გადაწყვიტა უარი ეთქვა თავის პროფესიაზე და მთლიანად კრაფტ ლუდის ხარშვაზე გადაერთო. სწორედ ნორვეგიაში მოგზაურობის, კრაფტ ლუდის მრავალფეროვან კულტურასთან გაცნობისა და Jikiun Kjetil-თან შეხვედრის შემდეგ, ჩვენც, არც მეტი არც ნაკლები, ზუსტად მივხვდით რისი კეთება გვინდოდა ცხოვრებაში- ქართველი ლუდის მოყვარულებისთვის გაგვეზიარებინა მეხსიერებიდან ამოუშლელი გამოცდილება, რაც იქ მივიღეთ. ჩვენ ხომ თავისუფლებისა და ექსპერიმენტების მოყვარული ერი ვართ. კრაფტ ლუდი კი მისთვისაა, ვინც ახალი შეგრძნებების გარეშე ვერ ცხოვრობს. მოკლედ, საქართველოში ჭეშმარიტი კრაფტ ლუდის ენერგიით დამუხტულები დავბრუნდით და კრაფტ ლუდის კომპანია გავხსენით. ერთად შემუშავებული რეცეპტის მიხედვით სამი სახის კრაფტის- hoppy Lager-ის (ყველაზე დემოკრატიული და კლასიკური, ტრადიციული გემოს მოყვარულებთათვის), Pale Ale-ს (ბალანსის მოტრფიალეებისთვის) და უმაღლესი ხარისხის სვიისგან დამზადებული IPA-ს (მათთვის, ვისაც მძაფრი შეგრძნებები იზიდავს) წარმოება დავიწყეთ. სამი ერთმანეთისგან დამოუკიდებელი კრაფტ ლუდის ინდივიდუალურად გამორჩეული ადამიანებისთვის, ვისაც ერთი სურვილი- თითოეული ყლუპისგან რაც შეიძლება დიდი სიამოვნების მიღება აერთიანებს. ჰოდა, გაგვიმარჯოს! ან, როგორც ნორვეგიელები ამბობენ - skål!