0711, ბრელოკი

ხელნაკეთი ბრელოკი ოქროსფერი მეტალის დასაკიდით

O’SEVEN ELEVEN 2013 წელს დაარსდა და მალევე მოექცა ყურადღების ცენტრში მისი უნიკალური ჩანთების მეშვეობით, რომლებიც მკაფიო და განსხვავებულ დიზაინ ელემენტებს შეიცავენ. ხარისხზე მუდმივად მუშაობისა და ახალი იდეების წინა ხაზზე გამოტანით, O’SEVEN ELEVEN -ის პოპულარულობა მოკლე დროში გაიზარდა და ბრენდის მუდმივად მზარდ მრავალრიცხოვან მიმდევრებს შორის რამდენიმე აღსანიშნავი სახელიც გაჩნდა, მათ შორის ქენდის სვეინფული, ოლივია პალერმო, ჯასმინ სანდერსი თუ დევონ ვინდსორი. ბრენდი გამუდმებით მუშაობს იმაზე, რომ შეესაბამებოდეს თანამედროვე მოდის სამყაროს მიერ დაწესებულ სტანდარდებს. მაგალითად ბოლო წლების მანძილზე O’SEVEN ELEVEN -მა ზედმიწევნით აითვისა მდგრადი მოდის პრინციპები. ჩანთების უმეტესობა, რომელსაც ბრენდი სთავაზობს აუდიენციას, ხელით არის დამზადებული ქართველი მქსოველების მიერ, რაც კიდევ ერთხელ ხაზს უსვამს იმას, რომ O’SEVEN ELEVEN -მა ქართული ქსოვის ტექნიკა ყურადღების ცენტრში მოაქცია და ბრენდის დიზაინ ფილოსოფია მეტწილად ორიენტირებულია ზემოთხსენებული ტრადიციული და კარგად დამკვიდრებული ხელსაქმის ახლებური ინტერპრეტირებითა და საინტერესო ვარიაციებით წარმოჩენაზე. O’SEVEN ELEVEN ჰარმონიულ კოჰაბიტაციას ქმნის ტრადიციას, თანამედროვე მასალებსა და უნიკალურ დიზაინ ნიუანსებს შორის. სწორედ ასეთი მიდგომის გამო, ბრენდი წარმატებით ოპერირებს გაერთიანებული ბრიტანეთის, არაბეთის, სინგაპურისა და ჩინეთის ბაზრებზე. 0711-ის მთავარი ღირებულებაა სიხალისე შემატოს მომხმარებლების ყოველდღიურობასა და ამაღელვებლობის ნიუანსი შეიტანოს ჩაცმის რიტუალში. ამავდროულად ბრენდი მიზნად ისახავს გლამური რუტინული ყოფაცხოვრების განუყოფელ ნაწილად აქციოს, რაც მისი არტიზანული ჩანთების იმ უნარში ვლინდება, რომ მათ მარტივად შეუძლიათ ნებისმიერი სიტუაციისთვის განკუთვნილი ლუქი დასამახსოვრებელი გახადონ.