ჭინკობისთვე

წიგნის მთავარ გმირს სამი მეგობარი სოფელში მიჰყავს ბებია-ბაბუასთან რთველში.
მთებში ჩაკარგული, თითქმის დაცარიელებული სოფელი სავსეა შემოდგომის ფერებით, სევდით, მონატრებითა და კიდევ რაღაც აუხსნელით.
როგორც ამბობენ, სექტემბერ-ოქტომბერი ჭინკების სათარეშოდ ითვლება. ბევრს ჰგონია, რომ ისინი მხოლოდ მითებსა და ლეგენდებში არსებობენ, მაგრამ ეს წიგნი სულ სხვა
ისტორიას გიამბობთ.
გაჰყევით წიგნის გმირებს და დააგემოვნეთ იმერული წიწილა ისრიმ-მაყვალში, ცხელი ლობიო ქოთანში, რომელსაც თავზე მწვანილების გვირგვინი ადგას, კეცის ცხელი მჭადი მოუწეთ და ისე. ამ ყველაფერს ოცხანურ საფერეზე მეტად რა მოუხდება?! არ დაგავიწყდეთ (დაგამიწყდეთ) რძეში ჩაფშვნილი მჭადის გასინჯვა.
მონაწილეობა მიიღეთ რთველში, უყურეთ მოხუცებთან ერთად სერიალებს და გაიგეთ რა ბედი ეწია ხინელას, გაიპარეთ მდინარეზე და მოციმციმე ნაკვერჩხლებზე ჭყინტი, იმერულად
ჭყლინტი სიმინდები შეწვით, თუ კვამლი შეგაწუხებთ, არ იდარდოთ, თქვით: "კვამლო იქით, თაფლო აქეთ-თქო" და ეგ იქნება. დააგემოვნეთ "ცოფიანი" ცოლიკოურის ჭაჭა, იმღერეთ მოხუცებთან ერთად, სიმინდის რჩევის დროს კი მოუსმინეთ დაუჯერებელ ამბებს, რომლებსაც არა წიგნის გმირები, არამედ რეალური ადამიანები ჰყვებოდნენ.
გახდით მეგობრული თავგანწირვის, ლეგენდების, გასაიდუმლოებული სიყვარულის და დაუსრულებელი თავგადასავლების მონაწილე. თუ თქვენი გონება და გული მზადაა ყველაზე ამაღელვებელი, სასაცილო, საშიში და საინტერესო ისტორიისთვის, მაშინ ღრმად ჩაისუნთქეთ, გვერდით სამჯერ გადააფურთხეთ, თქვით, "გლახა არაfერი ამომყვეს-თქვა" და დევერეკოთ.