შუმი, ზიგუ, შემაგრებული ღვინო.

"ზიგუ" გახლავთ ექსკლუზიური სასმელი, რომელიც დამზადებულია ყურძნისეული სხვადასხვა პროდუქტის შერევით - ყურძნის წვენი და ღვინო მიღებული 300-ზე მეტი ქართული და უცხოური წითელი ჯიშისგან, „შუმის" კოლექციიდან, ჭაჭა, ბრენდი და იშვიათი ქართული მცენარეები. მიღებული სასმელი ძველდება ფრანგული მუხის კასრებში 6 თვით. სასმელს ახასიათებს ჰარმონიული, მუხის მსუბუქი არომატი, ტყის კენკროვნების, ნუშის, წიწვოვან-ყვავილოვანი და კარამელის ტონები. გემოვნურად დაბალანსებული, სასიამოვნო შაქრიანობითა და რბილი ბუკეტით.

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.