სოლომონე, ძელშავი, ქვევრის წითელი მშრალი ღვინო, 2020 წ.

"სოლომონეს" ეს წითელი მშრალი ღვინო ძელშავის ჯიშის ყურძნისგანაა დამზადებული. ის გამოირჩევა წითელი კენკრის სასიამოვნო არომატითა და მსუბუქი, ჰაეროვანი გემოთი.

„სოლომონეს“ ისტორიის წერა ბრენდის დამაარსებლის, დავით ჩაჩანიძის, დიდმა ბაბუამ, სოლომონ ლეჟავამ დაიწყო, რომელიც ჭიათურის ერთ-ერთი უბნის - ლეჟუბნის მკვიდრი იყო და მარანი და ვენახიც იქვე ჰქონდა გაშენებული. მისი მეღვინეობა შვილმა, გულდა ჩაჩანიძემ, შემდეგ კი მისმა შვილიშვილმა გააგრძელეს და ასე შეიქმნა „სოლომონე“ ახალი ღვინო, რომელიც კარგი ღვინის მოყვარულთათვისაა განკუთვნილი და ახლა უკვე ბოთლში ჩამოსხმულიც შეგიძლიათ, დააგემოვნოთ. მისი მარნის საძირკვლის მოწყობის პროცესში აღმოაჩინეს 4 ქვევრი, რომლის წარმომავლობა არავინ იცოდა, მაგრამ ხანში შესული წინაპრების თქმით, თურმე ეს ქვევრები სოლომონის წინაპრებს ეკუთვნოდა, შესაბამისად, თითოეული მათგანი რამდენიმე საუკუნეს უნდა ითვლიდეს. აღმოჩენილი 4 ქვევრიდან, მხოლოდ 2 ქვევრის გადარჩენა შეძლეს. დღეს ეს საუკუნოვანი ქვევრები „სოლომონეს“ მარანშია მოთავსებული, არა როგორც ესკიზი, არამედ როგორც ფუნქციური ქვევრი, რომელშიც არაჩვეულებრივად ინახება ღვინო. ყოველივე ზემოთქმულმა განაპირობა ის, რომ ღვინის სახელის შერჩევის დროს „სოლომონი“, წამყვანი ფიგურა უნდა ყოფილიყო, რადგან სწორედ სოლომონის წამოწყებული საქმე გაგრძელებულიყო.