სერი(ა) 3: ხაზების გასწვრივ

„სერი(ა) 3­: ხაზების გასწვ­რივ“ თბილისის აბრეშუმის სახელმწიფო მუზეუმის მიერ 2019 წელს შემუშავებული პუბლიკა­ციების სერიის ახალი გამოცემაა.

სერი(ა) მუზეუმის სხვადასხვა საგამომცემლო საქმიანობის პლატფორმის როლს ასრულებს და მისი მთავარი მიზანია კავკასიის მეაბრეშუმეობის სადგუ­რის მატერიალური და არამატერიალური მემკვიდრეობის შენარჩუნება. ამ გამოცემის რედაქტირებასა და გამოშვებაზე მუშაობენ გარედან მოწვეული კურატორები. სერი(ა) მუზეუმის საგამომ­ცემლო საქმიანობის საერთაშორისო პლატფორმაა და მეაბრეშუმეობის თემაზე შექმნილი მრავალფე­როვანი მასალის ერთგვარ არქივს წარმოადგენს. სერი(ა)-ს მესამე გამოცემაში რამდენიმე, ფიზიკური და წარმოსახვითი ხაზი გავავლეთ — წამოვიწყეთ მოგზაურობა ევრაზიაში, რომელიც თბილისის აბრეშუმის მუზეუმში დაცული ძაფებიდან იწყება. მხატვარი და მწერალი პიტერ პაულ პოტჰოვენი  მოგვითხრობს მოგზაურობაზე ბადახშანში (ავღანეთი), სადაც მან მიაკვლია უძვირფასეს მუქლურჯ პიგმენტს, ლაპის ლაზულს. მხატვარი და ანთროპოგეოგრაფი რუზბე ახბარი გილანში (ირანი) არსებული მიტოვებულ აბრეშუმის ფაბრიკას იკვლევს და იმას, თუ როგორ გადაიქცა ფაბრიკა გადამფრენი ფრინველების თავშესაფრად. მოგზაურობა უზბეკეთში, ფერღანის ხეობაში მთავრდება, სადაც რეჟისორმა და მკვლევარმა, ოლია კორსუნმა შემთხვევით გაიცნო ერთი ქალბატონი, რომელიც აბრეშუმს დღესაც ისევე ართავს, როგორც ამას ათასობით წლის წინ აკეთებდნენ. თბილისიდან მარგილანისკენ, მარგილანიდან გილანისკენ, გილანიდან ბადახშანში და იქიდან ისევ უკან, თბილისში.