ნაძირალა მზე

"ნაძირალა მზე აერთიანებს მანამდე გამოუქვეყნებელ მოკლე მოთხრობებს, რომლებიც რამდენიმე წლის განმავლობაში იწერებოდა და თან ახლდა 35 მმ-იანი ფოტოების სერიას, რომელიც გადავიღე საქართველოში 1996-2001 წლებში, ვიდრე დიდ ბრიტანეთში გადავსახლდებოდი. ზღვარზე მონაყოლი, ეს ისტორიები მეტწილად ჩემთვის დავწერე, რომ არ დამვიწყებოდა, თავდაპირველად როგორც პირველი პოსტსაბჭოთა თაობის მოზარდმა და შემდგომ როგორც ახალგაზრდა დედამ და თავშესაფრის მაძიებელმა. ინგლისურ ენაზე წერამ, რაც თავიდან ჩემთვის დაბრკოლება იყო, კიდევ უფრო გაამრუდა ტექსტში აღწერილი რეალობა, რომელიც დროდადრო გამონაგონზე უფრო ცვალებადი და ყალბი ჩანდა – მუდმივი ძაფი, რომელიც წიგნს თავიდან ბოლომდე გასდევს." – სოფიო მედოიძე 

სოფიო მედოიძე (დ. 1978, თბილისი, საქართველო, ყოფილი სსრკ) მხატვარი და კინორეჟისორია. ამჟამად ცხოვრობს ლონდონში. მისი ნამუშევრები ხშირად მწერლობიდან იღებს სათავეს და წარმოდგენილია როგორც ინსტალაციები, რომლებიც აერთიანებს ფილმს, ქანდაკებას, ფოტოგრაფიას და ტექსტს. მისი ფილმებისთვის, რომლებიც ხშირად მშობლიურ საქართველოს ასახავენ, გამოყენებულია ინოვაციური აუდიო-ვიზუალური ტექნიკა და იმპროვიზაცია, რაც პიროვნულსა და პოლიტიკურს სუბიექტური და მითოპოეტური თხრობის ფორმებთან აკავშირებს. სოფიო მედოიძის შემოქმედებისთვის ნიშანდობლივია შემთხვევითობა და მისი კვლევის საგანს წარმოადგენს გაურკვევლობის პოეტური პოტენციალი. 2000-იანი წლების დასაწყისში, როდესაც საიმიგრაციო სტატუსის გამო მუშაობა არ შეეძლო, მან გამოიგონა ერთგვარი წარმოსახვითი კოლექტივი, „კლარა ემიგრანდი“ (Clara Emigrand), რათა თავისი ნამუშევრები გალერეის კონტექსტს გარეთ გაევრცელებინა. მან ახლახან დაასრულა თავისი პირველი მხატვრული ფილმი „ვიდინოთ” (Let us Flow). მისი ფილმების დისტრიბუტორია LUX-ი, ლონდონი.