ლაშხიების მარანი, ოჯალეში, წითელი მშრალი ღვინო, 2021 წ.

ღვინო ოჯალეში სალხინო არის 2021 წლის მოსავალი. რთველი ჩატარდა 22 ნოემბერს,როცა შაქრიანობამ 24-ს მიაღწია.დამზადებულია კლასიკური მეთოდით უჟანგავ ავზში,ღვინის დუღილი მიმდინარეობდა 16 დღეს 21 გრადუს ტემპერატურაზე ველური ბუნებრივი საფუარის მეშვეობით,დავარგების შემდეგ მოხდა მისი რამდენჯერმე ლექიდან მოხსნა,გაფილტვრა მოხდა უხეში 4 მიკრონიანი ქაღალდის ფილტრით,ღვინოში არაა გამოყენებული არანაირი დანამატები. ამ ღვინოში იკვეთება შემდეგი არომატები: ველური ხილი,ჟოლო,ანწლი,მოცხარი,შავი ქლიავი,მაყვალი.აქვს ძალიან დაბალანსებული გემოები,სიმრგვალის ტონები.ძალიან უხდება ცხარე სანელებლიან კუჭმაჭს,კუპატს,მეგრულ ხარჩოს.

მარტვილის მუნიციპალიტეტის სოფელი სალხინო წამოადგენს ოჯალეშის ჯიშის ყურძნის დაცული ადგილწარმოშობის ზონას. აქ 3000 კვადრატულ მეტრზე გაშენებული 25 წლის ვაზი ოჯალეში,რომელსაც უვლის პაატა ლაშხია თვითონ მთელი ამ ხნის განმავლობაში ბიომეთოდით, ანუ იყენებს შესაწამლად მხოლოდ კონტაქტურ წამლებს გარკვეული დოზით, საკვებად კი ბიოსასუქებს. არის გაწევრიანებული ბუნებრივი ღვინის ასოციაციაში,სადაც ყოველწლიურად კონტროლდება ვენახისა და ღვინის ბიოკონტროლი. მიკროზონის გეოგრაფიული მდებარეობა, რეგიონისთვის დამახასიათებელი კლიმატი – ზღვის ნოტიო სუბტროპიკული თბილი, რბილი ზამთრით და ცხელი ზაფხულით , ოჯალეშის ჯიშის ყურძენი, ამ ზონისთვის დამახასიათებელი განსაკუთრებული მახასიათებლები და მევენახეობა-მეღვინეობის ადგილობრივი, მრავალსაუკუნოვანი ტრადიცია განაპირობებს ღვინო "სალხინოს ოჯალეშის" განუმეორებელ, მხოლოდ ამ ღვინისათვის დამახასიათებელ ორგანოლეპტიკურ თვისებებს. ოჯალეშის ყურძენი მწიფობაში გვიან შედის და საჭირო კონდიციას აღწევს ნოემბრის შუა რიცხვებში .ხასიათდება მცირემოსავლიანობით, ერთ ძირ ვენახზე საშუალოდ 1,5 კგ ყურძენს ისხამს. ღვინის გამოსავლიანობა კი 40 % მდეა.