იქ, სადაც კიბორჩხალები მღერიან

მეთევზეთა პატარა სოფელ ბარკლი ქოუვში ყველას სმენია „მარშის გოგოს“ შესახებ, რომელიც მარტო ცხოვრობს ჭაობში, ფეხშიშველი დაიარება და საჭმელს ტალახში ეძებს. სინამდვილეში სულ რამდენიმე მათგანი იცნობს კაია კლარკს, საოცრად ჭკვიან, ცნობისმოყვარე, ხელოვან გოგოს, რომელიც თავად ბუნებამ გამოზარდა. როდესაც ბარკლი ქოუვში მკვლელობა ხდება, ეჭვობენ, რომ ეს საზარელი დანაშაული კაიამ ჩაიდინა. დელია ოუენსის წიგნი „იქ, სადაც კიბორჩხალები მღერიან“ ერთდროულად დეტექტივი, ბილდუნგსრომანი და დედამიწის ჰიმნია. ავტორი საოცარი პოეტურობით აღწერს ადამიანის უხილავ კავშირს ბუნებასთან და საზოგადოებასთან, პერსონაჟებს კი ისეთი დილემების წინაშე აყენებს, სადაც მხოლოდ სიყვარული საკმარისი არ არის.

დელია ოუენსი ამერიკელი ზოოლოგია ჯორჯიის შტატიდან. „იქ, სადაც კიბორჩხალები მღერიან“ მისი სადებიუტო რომანია, რომელიც თითქმის სამოცდაათი წლისამ გამოაქვეყნა. 2018 წელს გამოსული წიგნი მაშინვე მოექცა საერთაშორისო ბესტსელერების სათავეში და თითქმის ორმოცდაათ ენაზეა თარგმნილი.

ნიკოლას სპარქსი - "ამ შესანიშნავ რომანს აქვს ყველაფერი - საიდუმლო, რომანტიკა და მომხიბლავი პერსონაჟები, ყველაფერი მოთხრობილია ისტორიაში, რომელიც ვითარდება ჩრდილოეთ კაროლინაში."

Vanity Fair - ''როგორც თინეიჯერობის ისტორია, ასევე მკვლელობის გამოძიების იდუმალი ამბავი, მოთხრობილია ახალგაზრდა გოგონას პერსპექტივიდან... კიას ისტორიის საშუალებით, ოუენსი იკვლევს, თუ როგორ მოქმედებს იზოლაცია ადამიანის ქცევაზე და რა ღრმა ზეგავლენა შეიძლება ჰქონდეს უარყოფას ჩვენს ცხოვრობაზე."

რიზ ვიზერსპუნი - ''ვერც კი გამოვხატავ როგორ მიყვარს ეს წიგნი! არ მინდოდა ეს ამბავი დასრულებულიყო.''

Booklist - ''ლირიკული...მისი მიმზიდველობა გამომდინარეობს კიას ღრმა კავშირიდან იმ ადგილთან, სადაც სახლდება და მის ყველა არსებასთან“