ვილა მოსავალი, საფერავი, შემაგრებული ღვინო.

მუქი ალუბლისფერი შემაგრებული ღვინო, დამზადებულია ნარჩევი საფერავის ჯიშის ყურძნისაგან. ხასიათდება ალუბლის და ტყის კენკრის არომატებით. დუღილის პროცესში საბრენდე სპირტის დამატებით ღვინო ინარჩუნებს ბუნებრივ სიტკბოს, ხოლო კასრში დავარგება სძენს ხავერდოვან და დაბალანსებულ გემოს. სასურველია მიირთვათ დესერტთან.

„ვილა მოსავალის“ დამაარსებლთა თავდაპირველი მიზანი იყო შეექმნათ საუკეთესო ხარისხის ღვინო და მასთან ერთად სივრცე – სადაც შესაძლებელი იქნებოდა ღვინის დაგემოვნება კომფორტულ, ლამაზ გარემოში საუცხოო კერძების თანხლებით. მათ გააერთიანეს ტრადიცია და თანამედროვე მიდგომები და შექმნეს გამორჩეული ღვინის ბრენდი -„ვილა მოსავალი“. „ვილა მოსავალის“ გამორჩეული ღვინოები, რომელთაც არაერთი ჯილდო მიუღიათ, განსაკუთრებული ტერუარის, ვენახთან მუშაობის გამორჩეული პრინციპებისა და უმაღლესი დონის ღვინის ტექნოლოგიის სინთეზით იქმნება. თაობებიდან გადმოცემული ტრადიციული ცოდნა, მეცნიერულ დონეზე აყვანილი პროცესი და მოდერნიზებული ტექნოლოგია მათი მუშაობის პრინციპებია. ფერმენტაციისათვის გამოიყენება ევროპული უჟანგავი ფოლადის ავზები, ასევე დიდ მნიშვნელობა ენიჭება ქართულ ტრადიციულ ტექნოლოგიას - „ქვევრის ტექნოლოგია“ და ამავდრულად, ღვინისა და ალკოჰოლური სასმელების დავარგება ხდება ფრანგული მუხის კასრებშიც. ვენახების 40 ჰექტარი განლაგებულია კახეთისა და ქართლის, მრავალფეროვან და ნოყიერ მიწებზე, სადაც მოგვყავს სხვადასხვა სახეობის ყურძენი განსხვავებული შაქრიანობისა და მჟავიანობის მიხედვით. ვენახში ყველა ქმედება სრულდება ხელით, მოკრეფის შემდგომ ყურძნის ტრანსპორტირება კი მცირე ზომის ყუთებით ხდება, რათა სათუთად და დაუზიანებლად მივიდეს ქარხანამდე.