ბაიას ღვინო, კრახუნა ქვევრი, მეღვინის ხელმოწერით, 2020 წ.

ბაიას კრახუნა იმერული წესით დაყენებული თეთრი მშრალი ღვინოა. ის დაყენებულია კრახუნას ჯიშის ყურძნისგან და გამოირჩევა მისთვის დამახასიათებელი მსხლის, ატმის, ციტრუსისა და თაფლის არომატებით, რომლებიც ქმნიან სრულსხეულიან, სასიამოვნო გემოს.

ეს ხელმოწერილი ღვინო ექსკლუზიურად შეიქმნა ველის მომხმარებლისთვის!

Baia's Wine არის პატარა საოჯახო მარანი სოფელ ობჩაში, რომელიც ახალ სიცოცხლესა და ენერგიას მატებს მეღვინეობის სცენას. მათი ღვინოების უმეტესობა დამზადებულია ქვევრში, ზოგი კი უჟანგავი ფოლადის კასრში. ბაიას ოჯახი ღვინოს სამ თაობაზე მეტია აწარმოებს და ბრენდი ახლა ბუნებრივი ღვინის ასოციაციის წევრია. ბაიას ღვინო დგას საქართველოს დასავლეთ ნაწილში, შავ ზღვასთან ახლოს. ჩრდილოეთით მდებარე კავკასიონის მთები იჭერს ნოტიო ზღვის ჰაერს, რაც მას მეღვინეობისთვის შესაფერის გარემოდ აქცევს.

 "ბაიას ღვინის" დამაარსებელი ბაია აბულაძე გახლავთ. მისი ცხოვრების უმეტესი წლები მშობლიურ სოფელთან, ვაზსა და ღვინოსთანაა დაკავშირებული. მეღვინეობა-მევენახეობის სიყვარული წინაპრებიდან მოსდევს - მისი ბაბუა ბონდო ღვალაძე ცნობილი მევენახეა. ბაიას ოჯახს 4000-მდე ცოლიკოურისა და ციცქის ვაზი აქვს, უმეტესად - ახალშენი. ვენახის მოვლა და უხვი მოსავლის მიღება ბევრ ფაქტორზეა დამოკიდებული: ამინდი, შხამქიმიკატები, აგროვადების ზუსტი დაცვა. საკმაოდ შრომატევადია მევენახის საქმიანობა, ოჯახის წევრებთან ერთად გაკეთებული საქმე კი - სასიამოვნო და სახალისო. იცის, რომ თითოეულ ძირ ვაზს თავის დროზე თუ არ მოუარა, მოეფერა, გაალამაზა - გაუნაწყენდება და შრომაც ტყუილად ჩაუვლის. 2015 წელს ოჯახმა, ბაიას ინიციატივით, პროექტ ,,აწარმოე საქართველოში" გრანტი მოიგო. მოგებული 5000 ლარით ბაიამ ბოთლში ღვინის ჩამოსასხმელი ხელსაწყო-იარაღები შეიძინა და 2015 წლის 22 დეკემბერს პირველი ბოთლი ,,ბაიას ღვინო“ ჩამოასხა. ,,ბაიას ღვინომ“ მონაწილეობა მიიღო საქართველოში გამართულ ღვინის მრავალ ფესტივალსა და ღონისძიებაში და მოწონებაც დაიმსახურა. 2016 წლის ივნისში გერმანიის ქალაქ დიუსელდორფში გამართულ ღვინის ფესტივალზე კი ვერცხლის მედალი აიღო. ბაია ვაზისა და ღვინის სიყვარულმა საქართველოს ფერმერთა ასოციაციაში მიიყვანა. ქალბატონ ნინო ზამბახიძის მეშვეობით გაიცნო ადამიანები, რომლებიც ქართული სოფლების აღორძინებასა და გაძლიერებაზე ფიქრობენ. მათ შორის ბევრი ახალგაზრდა ფერმერია და ამ გუნდთან ერთად ბაია ხვალინდელი ძლიერი ქართული სოფლის მომავალს გეგმავს.