ასკანელი, საფერავი-მუსკატი, წითელი ნახევრადტკბილი ღვინო, 2021 წ.

ასკანელის წითელი ნახევრადტკბილი ღვინო, ყურძენ საფერავისგან და მუსკატისგანაა დაყენებული. ზომიერად ტკბილი ღვინის მოყვარულებისათვის ეს ღვინო ნამდვილი საჩუქარია. საფერავი-მუსტაკის შექმნისას კომპანიის მთავარმა მეღვინემ შემოქმედებითად და ტექნოლოგიური პროცესის აკურატული გათვლით მიაღწია არომატებისა და გემოების არაჩვეულებრივად სასიამოვნო შეხამებასა და ნატიფ ბალანსს ღვინოში. ძლიერი და ელეგანტური ხასიათის მუქი ლალისფერი ღვინო გაჯერებულია დახვეწილი, რბილი ტანინებითა და შავი კენკრის, სანელებლებისა და ყვავილების არომატებით. გამოირჩევა შესანიშნავი ბალანსით, სავსე სხეულით, ელეგანტური სიტკბოთი და ხავერდოვანი დაბოლოებით.

ლეგენდის თანახმად, სოფელ ასკანაში დგას უძველესი ციხესიმაგრე, რომელსაც დიდი ასაკისა და გამორჩეული გამძლეობის გამო “ასკანიანი ციხე” ეწოდა. ასკანელის სახელის საფუძვლებიც ქართველის მებრძოლი ხასიათის მითოსსა და ისტორიაში მოიპოვება. ანთიმოზ ჩხაიძე ის ადამიანია, ვის სახელსაც ასკანელის მეღვინეობის ტრადიციისთვის საფუძვლის ჩაყრა უკავშირდება. მან ააგო მარანი მეცხრამეტე საუკუნის მიწურულს, სადაც ამზადებდა განსაკუთრებულად სუფთა და არომატულ ღვინოს სხვადასხვა ჯიშის ყურძნისგან. ერთ-ერთი ჯიში, რომელიც ჩხაიძეების გვარმა შემოინახა, სახელგანთქმული ჩხავერია. ამბობენ, ჩხაიძეების გვარიც ამ სახელიდან მოდისო. ბრენდის მიღმა არსებული ადამიანებისთვის, ეს გადმოცემები სიამაყისა და უდიდესი პასუხისმგებლობის საფუძველია. დღეს კომპანია 60 სახეობაზე მეტი დასახელების ღვინოს აწარმოებს, ასევე ასხამს ბრენდის, შუშხუნა ღვინოსა და ჭაჭას. აქვს ქარხნები სამ რეგიონში - კახეთში, გურიასა და თბილისში.