ანდრიას ღვინო, ვარდო, რქაწითელი, ვარდისფერი მშრალი ღვინო.

ღვინო დაყენებულია ქვევრში, კახური ტრადიციული მეთოდით 6 თვიანი დაყოვნებით ჭაჭაზე, დაყენებულია ორგანული მეთოდით მოყვანილი რქაწითელის ჯიშის ყურძნისაგან, ბუნებრივად, ყოველნაირი დანამატისა და ფილტრაციის გარეშე, შესაბამისად მოსალოდნელია ნალექის წარმოქმნა. ღვინო შეინახეთ ჰორიზონტალურად ბნელ, გრილ ადგილას.

ჩვენი მარნის ისტორია იწყება 1984 წლიდან, როდესაც პაპაჩემმა, ალექსანდრე ვოლსკიმ სოფელ ხაშმში ააშენა სააგარაკე სახლი და გამართა ტრადიციული მარნით. მას შემდეგ მამაჩემი და პაპაჩემი ყოველწლიურად აყენებდნენ ღვინოს ამ მარანში, მე კი (გიორგი ვოლსკი) ბავშვობიდან ვეხმარებოდი მათ და ჩართული ვიყავი საოჯახო საქმიანობაში. მამაჩემი და პაპაჩემი ღვინოს აყენებდნენ მხოლოდ საოჯახო მოხმარებისთვის და შესაბამისად ჯანსაღი და სასარგებლო ღვინის მისაღებად ვენახს უვლიდნენ მხოლოდ ბიო-ორგანული მეთოდებით, ღვინოს კი აყენებდნენ ბუნებრივად, ყველანაირი დანამატის გარეშე. ამჟამად, მე ვაგრძელებ ამ საოჯახო ტრადიციას და ღვინოს ვაყენებ იგივე მეთოდებით, უკვე კომერციული მიზნებისთვისაც. შესაბამისად ჩვენი ღვინოები დაყენებულია ბიო-ორგანული მეთოდით მოყვანილი ყურძნისგან და ყველანაირი დანამატის, მათ შორის გოგირდის და ასევე ფილტრაციის გარეშე.