Мельниковой

სოფია გიორგიევნა მელნიკოვას. ფანტასტიკური დუქანი. ტფილისი 
ფუტურისტების ჯგუფ „41°“-ის მიერ ამ 1919 წელს გამოცემული რარიტეტული წიგნის რეპრინტი ტფილისში მდებარე კაფე „ფანტასტიკურ დუქანში“ ფუტურისტი და სიმბოლისტი ავტორების მიერ წარმოთქმულ ლექსებსა და ავანგარდისტი მხატვრებისა და პოეტების მიერ შესრულებულ ილუსტრაციებს აერთიანებს. ფართო აუდიტორიისთვის განკუთვნილი წიგნი განსაკუთრებული შენაძენი იქნება მოდერნიზმით დაინტერესებული მკითხველისთვის.
თბილისური ავანგარდის ერთ-ერთ საუკეთესო ნიმუშში შესულია ნინა ვასილიევას, ტატიანა ვეჩორკას, ილია ზდანევიჩის, კარა-დარვიშის, ვასილი კატანიანის, ალექსეი კრუჩენიხის, გრიგოლ რობაქიძის, ტიციან ტაბიძის, იგორ ტერენტიევის, ალექსანდრ ჩაჩიკოვის, ნიკოლაი ჩერნიავსკის, გრიგორი შაიკევიჩისა და პაოლო იაშვილის ლექსები, ასევე დმიტრი გორდეევის კვლევა „იოსებზილიხანიანის“ (სპარსული ლეგენდის ქართული რედაქციის) მინიატურების შესახებ. წიგნი გაფორმებულია კირილ და ილია ზდანევიჩების, ზიგმუნტ (ზიგა) ვალიშევსკის, ნატალია გონჩაროვას, ალექსანდრე ბაჟბეუქ-მელიქოვის, ლადო გუდიაშვილის, იგორ ტერენტიევისა და მიხაილ კალაშნიკოვის ნამუშევრებით. წიგნი შეადგინა და გამოსცა ილია ზდანევიჩმა.

.