DRS სახის მეზოროლერი Pink & Black

მეზოროლერი კანის მოვლის ეფექტური ინსტრუმენტია და გამოიყენება სახისა და სხეულის სხვადასხვა ნაწილების მასაჟისთვის. მეზოროლერი წარმოადგენს პლასტიკური ქირურგიის, ლაზერული კორექციის და პილინგების საუკეთესო და მარტივ ალტერნატივას. მისი ეფექტურობა დამტკიცებულია არა მარტო თვალსაჩინო შედეგებით, არამედ სამეცნიერო კვლევებითაც. მეზოროლერის ეფექტურობას განაპირობებს რამდენიმე ფაქტორი: მიკრონემსების საშუალებით კანში ჩნდება მიკროარხები. შედეგად, 90%-ით იზრდება კანის მიერ შრატებისა და სამკურნალო საშუალებების ათვისება; ააქტიურებს კანში კოლაგენისა და ელასტინის სინთეზს; უმჯობესდება კანის სისხლით, შესაბამისად, ჟანგბადითა და ნუტრიენტებით მომარაგება. გამოიყენება ოპერაციის და აკნეს შემდგომი ნაწიბურების სამკურნალოდ, ნაოჭების პროფილაქტიკისთვის და კანის რელიეფის გასათანაბრებლად. ამკვრივებს ეპიდერმისს, ავიწროვებს ფორებს და აღადგენს სახის ოვალს. პროდუქტის ზომა: 4.5x17.2x4 სმ. ტიტანის მიკრონემსების სიგრძე: 0.3 მმ. თუ თქვენ გაქვთ მგრძნობიარე კანი და არასდროს გამოგიყენებიათ სახის კანზე მეზოროლერი, გირჩევთ დაიწყოთ 0.25 მმ-ით. მიკრონემსების რაოდენობა: 540.

მეზოროლერის გამოყენების წინააღმდეგჩვენებები:

რესპირატორული ინფექციები (ნებისმიერი გრიპის ვირუსისთვის დამახასიათებელი სიმპტომები - სისუსტე, ტემპერატურა, ხველა, გამონადენი ცხვირიდან);

ჰერპესის ვირუსის გამწვავების ფაზა;

ეპილეფსია;

ტკივილის დაბალი ზღვარი;

კანის დაავადებები - ნებისმიერი დერმატიტი, ფსორიაზი;

კანის ტრავმები - ნაფხაჭნი, ჭრილობა, გამონაყარი, აქტიური აკნე;

კუპეროზი - მხოლოდ კოსმეტოლოგთან კონსულტაციით;

ანტიკოაგულანტების მიღება, სისხლის შედედების უნარის დარღვევა;

მიდრეკილება კელოიდური ნაწიბურების წარმოქმნისკენ;

სომატური დაავადებები - არაკომპენსირებულ სტადიაში;

ონკოლგიური დაავადებები ანამნეზში;

ორსულობა, ლაქტაცია.

გაისუფთავეთ სახე. სასურველია ქაფით და ტონიკით გაწმენდის შემდეგ სახე გაიწმინდოთ ქლორჰექსიდინით, მირამინსტინით ან ნებისმიერი უალკოჰოლო (უსპირტო) ანტისეპტიკური ხსნარით; უშუალოდ გამოყენების წინ, გაასუფთავეთ მეზოროლერი, დაამუშავეთ ქლორჰექსიდინით - 30 წუთის განმავლობაში გააჩერეთ ხსნარში; გაატარეთ მეზოროლერი მასაჟის ხაზებზე 5-10-ჯერ ყველა მიმართულებით - ვერტიკალურად, ჰორიზონტალურად, ირიბად. მიმართულების შეცვლისას მეზოროლერი აუცილებლად მოაშორეთ კანს. წინააღმდეგ შემთხვევაში, პირდაპირ კანზე შემოტრიალებამ შეიძლება გამოიწვიოს კანის ტრავმირება. მთლიანი პროცედურა გრძელდება 5-7 წუთი.

პროცედურის შემდეგ სახეზე დაიტანეთ სასურველი სახის კრემი ან ნიღაბი. შესაძლებელია პანთენოლის შემცველი კრემის გამოყენებაც; ნუ ჩაიტარებთ კვირაში 1-2 პროცედურაზე მეტს.

პროცედურის შემდეგ კანი შეწითლებულია და მგრძნობიარე. სასურველია პროცედურის ჩატარება საღამოს, დაძინებამდე 1-2 საათით ადრე;

თუ იყენებთ 0.2-0.3 მმ-ზე მეტი სიგრძის ნემსებს, შრატი უნდა იყოს აუცილებლად ამპულირებული და სტერილური. სხვა შემთხვევაში, დასაშვებია ნებისმიერი შრატის გამოყენება;

ნუ ასცდებით ორბიტის ძვლის ხაზს. დაუშვებელია მეზოროლერის გამოყენება უშუალოდ ქუთუთოების კანზე და ტუჩებზე;

მეზოროლერის დავარდნის შემთხვევაში შესაძლოა დაზიანდეს მისი მიკრონემსები, რაც გამოიწვევს კანის ტრავმირებას, ამიტომ აპარატი აუცილებლად უნდა შეიცვალოს;

პროცედურიდან 5-7 დღის მანძილზე (სეზონის მიუხედავად) აუცილებლად გამოიყენეთ მზისგან დამცავი საშუალება;

პროცედურის შემდგომ აკრძალულია ცხელი აბანოს, საუნის, სოლარიუმის გამოყენება.

გარეცხეთ მეზოროლერი გამდინარე წყალში, გააშრეთ ჰაერზე, დაამუშავეთ სპირტით და შეინახეთ თავის ყუთში. მეზოროლერი არის მხოლოდ ინდივიდუალურად გამოსაყენებელი საშუალება. ერთ მეზოროლერს იყენებს მხოლოდ 1 ადამიანი. მეზოროლერის ნემსები დროთა განმავლობაში ბლაგვდება. ერთი როლერი ყოფნის 6-10 პროცედურას, შემდგომ აუცილებელია შევცვალოთ იგი.