Dom Perignon Rose, კუპაჟი, შამპანური ბრუტი, 2006 წ.

Dom Perignon Rose გახლავთ სამი უმაღლესი ჯიშის ყურძნისგან - პინო მენიეს, პინო ნუარისა და შარდონესგან - დამზადებული 2006 წლის მოსავლის ვინტაჟური ღვინო. მისი არომატი ავლენს ლეღვისა და მარწყვის კომპლექსურ ნოტებს, შემდეგ კი იისა და ვანილის პიკანტური ნოტები ჩნდება. გემო ძალიან კონცენტრირებულია, აქვს აბრეშუმისებრი სტრუქტურა, სანელებლების ღრმა ელემენტები, მინერალები და იოდინის ნიუანსები. შამპანური იდეალური აპერიტივია, შესანიშნავად უხდება თევზს, ფრინველის ხორცსა და წითელ ხილს.

Moet Chandon-ის ისტორია, სადაც Dom Perignon-ი იწარმოება, 1743 წელს დაიწყო, როდესაც კლოდ მოემ დაიწყო ღვინის მიწოდება შამპანის რეგიონიდან პარიზში და საფრანგეთის სხვა ქალაქებში. ლუდოვიკო XV-ის მეფობის ხანა ცქრიალა ღვინოზე მოთხოვნის ზრდას დაემთხვა, ამიტომ კლოდის ბიზნესი სწრაფად გაფართოვდა და მე-18 საუკუნის ბოლოს ის უკვე ახორციელებდა შამპანურის ექსპორტს მთელ ევროპასა და შეერთებულ შტატებშიც კი. კლოდის შვილიშვილმა, ჟან-რემი მოემ, ისეთი ელიტარული კლიენტების ყურადღება დაიმსახურა, როგორებიც იყვნენ თომას ჯეფერსონი და ნაპოლეონ ბონაპარტი. გვარი Chandon დაემატა კომპანიის სახელს 1832 წელს, როდესაც ჟან-რემი მოემ ფირმა გაყო მის ვაჟ ვიქტორსა და სიძეს პიერ-გაბრიელ დე ბრაიერ შანდონს შორის. Moet Chandon არის სოციალური ცხოვრების უცვლელი ატრიბუტი მთელ მსოფლიოში. 1971 წელს Moet Chandon გაერთიანდა Hennessy Congnac House-თან, 1987 წელს Louis Vuitton-თან. შედეგად, შეიქმნა LVMH (Louis-Vuitton-Moet-Hennessy) ჰოლდინგი, მსოფლიოში ყველაზე დიდი Luxury Group, რომელიც აერთიანებს ისეთ ცნობილ ბრენდებს, როგორიცაა Guerlain, Christian Dior, Givenchy, Kenzo, Christian Lacroix, Hennessy, Louis Vuitton. და მრავალი სხვა.