არჩილის ღვინო, საფერავი, წითელი მშრალი ღვინო, 2019 წ.

თელავის ძველი მარანი - არჩილის ღვინო - (Archil’s Wine) საფერავი 2019, ხელნაკეთი წითელი მშრალი ღვინო, 2019 წლის მოსავალი. დამზადებულია მეღვინე-მევენახე არჩილ უთიაშვილის მიერ, კახეთში, წინანდლის მიკროზონაში გაშენებული საფერავის ჯიშის საუკეთესო ხარისხის ყურძნისაგან. თანამედროვე და უძველესი ქართული ტრადიციული ტექნოლოგიის მიხედვით. დადუღებულია ჭაჭასთან ერთად, იგი მუქი ლალისფერია, ხასიათდებ აცოცხალი, სხეულიანი, გემოთი, მწიფე ქლიავის, ალუბლის, ბროწეულის და მაყვლის ნაზი ტონები ჰარმონიულად არის დაბალანსებული, ხანგრძლივი სურნელოვანი დაგემოვნებით. ღვინო დაძველებულია ფრანგული მუხის კასრებში. საუცხოოდ ეხამება, შემწვარ და მოხარშულ ხორცს, ყველს.. t: 14 0 c-18 0 c. ჩამოსხმულია მხოლოდ 2080 ბოთლი.

არჩილ უთიაშვილი, მეღვინე - მევენახე, შპს ,,თელავის ძველი მარანი’’-ს დამფუძნებელი. მარანი დააარსა 2011 წელს. მისი მთავარი მიზანია, შექმნას მაღალხარისხიანი ღვინოები. ღვინის დასამზადებლად იყენებს საკუთარ ვენახში მოწეულ ყურძენს. 2010 წელს შეიძინა ვენახი რქაწითელის და საფერავის ჯიშის ვაზით, რომელიც გაშენებული იყო 1970 წელს კახეთში, წინანდლის მიკრო ზონაში, თელავში, სოფელ კურდღელაურში, ზღვის დონიდან 510 მეტრზე. ნიადაგი ქიმიური საშუალებებით გაჯერებული არ იყო, გამოსასწორებელი მხოლოდ არასწორად ფორმირებული და დასუსტებული ვაზები რჩებოდა. ბევრმა მევენახემ ურჩია, ბებერი, დასუსტებული და დაგრეხილი ვაზების არარენტაბელურობის გამო ძველი ვენახის ამოძირკვა და ნაცვლად ახალის გაშენება. ეს დაგრეხილი ვაზები მისთვის მნიშვნელოვანი და ძვირფასი იყო, როგორც მოხუცი დიდი ცხოვრებისეული გამოცდილებით, ამიტომ გადაწყვიტა მათი შენარჩუნება. ვენახის ნაბიჯ-ნაბიჯ გამოსწორებას წლები და მძიმე შრომა დასჭირდა. შედეგად, ამ ვენახმა საუკეთესო ღვინო მისცა - ბებერმა ვაზმა თავისი მადლიერება ასე გადმოსცა. სწორედ ეს ბებერი ვაზია პატივისცემის ნიშნად გამოსახული ,,არჩილის ღვინის’’ ბრენდის სხვადასხვა დასახელების ღვინის ბოთლის ეტიკეტზე.