ჯუსო, მწვანე, თეთრი მშრალი ღვინო, 2021 წ.

ჯუსოს ღვინო მწვანე ელეგანტური ღვინოა ყვავილოვანი არომატით, ხოლო დასრულებაში დომინირებს მწიფე ხილის ნოტები, როგორიცაა კომში. და გარგარი. უხდება წითელ და თეთრ ხორცს, მწვადს, სტეიკს, თევზს, ზღვის პროდუქტებს, ყველს.

ჯუსოს ტრადიციული კახური მეღვინეობა ოჯახის მრავალწლიან ტრადიციას წარმოადგენს, რომელსაც საფუძველი ოჯახის წინაპარმა, კახეთში ცნობილმა მეღვინემ, ჯუსო პაპამ ჩაუყარა. წლების განმავლობაში მეღვინის ოჯახი წინაპრის ტრადიციას აგრძელებდა და ღვინოს მხოლოდ პირადი მოხმარებისთვის, მეგობრებისთვის აყენებდა. 6 წლის წინ კი ჯუსო პაპის შთამომავლებმა ორმა ახალგაზრდა მეღვინემ შეძლო ოჯახური ტრადიციისთვის და საყვარელი საქმიანობისთვის ბიზნესის ხასიათი მიეცა და ღვინის მოყვარულთათვის მაღალი ხარისხის, კახური ტრადიციული მეთოდით ქვევრში დაყენებული ნატურალური ღვინო შეეთავაზებინა. ჯუსოს მეღვინეობა აერთიანებს მარანს 17 ქვევრით (18 ტონის), ღვინის სადეგუსტაციო სივრცეს და კახეთში (სოფელ შილდასა და საგარეჯოს რაიონში) მდგებარე ვენახებს. მეღვინეობის მთავარ სიამაყეს მამა-პაპისეული 60 წლის ვენახი წარმოადგენს, რომელიც ჯუსო პაპამ საგარეჯოს რაიონში მდინარე იორისა და თვალთხევის პირზე მდებარე კოსტაფეს ტერიტორიაზე გააშენა. ჯუსოს ღვინოებია - კოსტაფე (რქაწითელი, ქისი, მწვანე, ბუერა - 60 წლის ვენახიდან), რქაწითელი, ქისი, მწვანე და საფერავი. მეღვინეობა წელიწადში დაახლოებით 8000-9000 ბოთლს აწარმოებს, რომლის 50% ექსპორტზე გადის.