შუმი, მუკუზანი, საფერავი, წითელი მშრალი ღვინო, 2020 წ.

ღვინო დამზადებულია მუკუზნის მკაცრად კონტროლირებად მიკროზონაში, მდინარე ალაზნის მარჯვენა სანაპიროზე, ზღვის დონიდან 500 მ. სიმაღლეზე მდებარე “შუმის” კუთვნილ “ნადარბაზევის” ვენახში გაშენებული საფერავის ჯიშის ყურძნისგან. ღვინო არის მუქი ბროწეულისფერი. აქვს მკვეთრად გამოხატული ჯიშური არომატი, რომელიც გაჯერებული შავი ქლიავისა და კენკრის ტონებთან, ჰარმონიულად შერწყმული მუხის არომატთან. ღვინო დავარგებულია ფრანგული მუხის კასრებში. ხასიათდება რთული ბუკეტით, ჰარმონიული, სასიამოვნო და დიდხანს გამყოლი ხავერდოვანი გემოთი. სასურველია მიირთვათ +16-18°C ტემპერატურაზე.

ღვინის კომპანია შუმი დაარსებულია 2001 წელს და მდებარეობს მევენახეობა-მეღვინეობის ისტორიულ ცენტრში, სოფ. წინანდალში. სიტყვა შუმი ძველი დროიდან საქართველოში ნიშნავდა განუზავებელ, სუფთა ღვინოს. ღვინის კომპანია შუმის მფლობელობაშია ვენახები საქართველოს თითქმის ყველა უნიკალურ მიკროზონაში. კომპანია შუმის ასორტიმენტი მოიცავს წითელ და თეთრ, მშრალ, ნახევრად მშრალ და ბუნებრივად ნახევრადტკბილ ღვინოებს, ბიო ღვინოს, შემაგრებულ ღვინოს, ღვინის ბრენდის და ჭაჭას. კომპანიის მიერ წარმოებული პროდუქცია არაერთხელ იქნა აღიარებული და დაჯილდოვებული მრავალ საერთაშორისო თუ ადგილობრივ გამოფენასა და დეგუსტაციაზე. ღვინის კომპანია შუმმა პირველმა საქართველოში დააარსა ვაზისა და ღვინის მუზეუმი „ვაზიონი“, სადაც წარმოდგენილია გადაშენებას გადარჩენილი 325 ქართული და 105 – მსოფლიოში გავრცელებული ვაზის ჯიშები.